Read Mizo Lushai Genesis 5 Bible Online

Genesis 5 - Mizo Lushai bible

Genesis 5

¹Hetiang hi Adama thlahte chanchin chu a ni. Pathianin mihring a siam khân Pathian anpui ngeiin a siam a ni.

²Mipa leh hmeichhia a siam a, mal a sâwm a, a siam ni chuan an hmingah ‘mihring’ a vuah a.

³A anpui, amah ang taka fapa a hrin khân Adama chu kum za leh sawmthuma upa a ni a, a fapa hmingah chuan Setha a sa a.

⁴Setha a neih hnu chuan Adama chu kum zariat a dam a, fanu fapa dangte a nei a.

⁵Adama chu kum zakua leh sawmthum chhûng a dam a, a thi ta a.

⁶A fapa Enosa a pian khân Setha chu kum za leh pangaa upa a ni a.

⁷Enosa a pian hnuah Setha chu kum zariat leh pasarih a dam a, fanu fapa dangte a nei a.

⁸Setha chu kum zakua leh sâwm leh pahnih chhûng a dam a, a thi ta a.

⁹A fapa Kenana a pian khân Enosa chu kum sawmkuaa upa a ni a.

¹⁰Kenana a pian hnuin Enosa chu kum zariat leh sâwm leh panga a dam a; fanu fapa dangte a nei a,

¹¹Enosa chu kum zakua leh panga chhûng a dam a, a thi ta a.

¹²A fapa Mahalalela a pian khân Kenana chu kum sawmsariha upa a ni a.

¹³Mahalalela a pian hnuin Kenana chu kum zariat leh sawmli a dam a; fanu fapa dangte a nei a.

¹⁴Kenana chu kum zakua leh sâwm chhûng a dam a, a thi ta a.

¹⁵A fapa Jareda a pian khân Mahalalela chu kum sawmruk leh pangaa upa a ni a.

¹⁶Jareda a pian hnuin Mahalalela chu kum zariat leh sawmthum a dam a; fanu fapa dangte a nei a.

¹⁷Mahalalela chu kum zariat leh sawmkua leh panga chhûng a dam a, a thi ta a.

¹⁸A fapa Enoka a pian khân Jareda chu kum za leh sawmruk leh pahniha upa a ni a.

¹⁹Enoka a pian hnuin kum zariat a dam a, fanu fapa dangte a nei a.

²⁰Jareda chu kum zakua leh sawmruk leh pahnih chhûng a dam a, a thi ta a.

²¹A fapa Methusela a pian khân Enoka chu kum sawmruk leh pangaa upa a ni a.

²²Methusela a pian hnuin Enoka chu kum zathum chhûng Pathian nên an lêng dûn ṭhîn; fanu fapa dangte a nei a.

²³Enoka chu kum zathum leh sawmruk leh panga chhûng a dam a.

²⁴Enoka chu Pathian nên an lêng dûn ṭhîn, Pathianin a lâk tâk avângin a awm ta lo a ni.

²⁵A fapa Lameka a pian khân Methusela chu kum za leh sawmriat leh pasariha upa a ni a.

²⁶Lameka a pian hnuin kum zasarih leh sawmriat leh pahnih a dam a; fanu fapa dangte a nei a.

²⁷Methusela chu kum zakua leh sawmruk leh pakaw chhûng a dam a, a thi ta a.

²⁸Fapa a neihin Lameka chu kum za leh sawmriat leh pahniha upa a ni.

²⁹“He mi hian leia kut hna rim taka kan thawh, LALPA ânchhia aṭang hian min tihahdam tawh ang,” tiin a fapa hmingah chuan Nova a sa a.

³⁰Nova a pian hnuin Lameka chu kum zanga leh sawmkua leh panga a dam a; fanu fapa dangte a nei a.

³¹Lameka chu kum zasarih leh sawmsarih leh pasarih chhûng a dam a, a thi ta a.

³²Kum zanga vêla upa a nih khân Nova chuan fapa Sema te, Hama te, Jafeta te a nei a.