Read Mizo Lushai Genesis 6 Bible Online

Genesis 6 - Mizo Lushai bible

Genesis 6

¹Leiah mihring an lo tam a, fanute pawh an ngah ta hle a.

²Pathian fate chuan mihring nulate hmêlṭhatzia an hmuh chuan an duh duh nupuiah an nei ta a.

³LALPA chuan, “Mihring hi an dam kumkhua ka remti lo, an tisa mi êm mai; kum za leh sawmhnih erawh chu dam thleng rawh se,” a ti a.

⁴Chutih hun lai chuan, a hnu deuhvah pawh leiah hian Nefil-ho an awm a. Chûng chu Pathian faten mihring fate nupuia an neiha an thlah tâkte an ni. Chûng mite chu hmânlai mi hrâtkhawkhêng, mi hmingthang tak tak an ni.

⁵LALPA chuan leia mihring sual nasatzia chu a hmu a, eng lai pawhin thil sual hlîr an ngaihtuah a ni.

⁶Leiah mihring a siam ta chu pawi a ti a, a rilru a na hle a.

⁷LALPA chuan, “Mihring te, ramsa te, a tlenga tleng mi te, chunglêng sava ka siam te hi ka nuai bo mai teh ang, ka siam ta kha pawi ka ti êm mai,” a ti a.

⁸Nova erawh chu LALPA chuan a ngaina hle a.

⁹Hei hi Nova thlahte chanchin chhuina a ni. Nova chu mi ṭha a ni a, a dam rualpuite zîngah sawisêl kai lo awm chhun a ni. Nova chu Pathian nên an lêng dûn ṭhîn.

¹⁰Nova chuan fapa pathum, Sema te, Hama te, Jafeta te a nei a.

¹¹Pathian ngaihin lei chu a chhe let dêr a, inpâwngnêknain a khat a ni.

¹²Khawvêl chhiat tâkzia chu Pathian chuan a hmu a. Ngai teh, leia mi tin a sual zâwng hlîrin an khawsa a ni.

¹³Pathianin Nova hnênah, “Mihringte hi tihboral ka tum ta. Lei hi anmahni avângin inpâwngnêknain a khat ta si a, lei pawh hi ka tichhe vek dâwn a ni.

¹⁴Tichuan, thing ṭha chi hmangin lawng tuk rawh; lawngah chuan pindante siam la, a chhûng lam leh a pâwn lamah alkatra hnawih chhuak vek ang che.

¹⁵Lawng chu tawng zathuma sei, tawng sawmngaa zau, tawng sawmthuma sângin tuk ang che.

¹⁶Lawngah chuan tukverhte siam la, bang leh a chung inkâr chu inchi sâwm leh pariat a ni tûr a ni; lawng kawngka chu a sîrah hawng ang che, chhâwng thum neiin i siam tûr a ni.

¹⁷“Ngai teh, kei hian lei chîm pil tûr tui ka lêttîr dâwn a ni. Vân hnuaia nunna nei rêng rêng chu ka nuai bo vek dâwn; leia engkim a chhe nghâl ang.

¹⁸Nang nên erawh chuan thu ka thlung ang a, lawngah i lût ang a, i nupui leh i fate pawh, an nupuite nên lawngah chuan in lût tûr a ni.

¹⁹Thil nung tinrêng, tisa pu rêng rêng chu an him theih nân, pahnih zêl, a nu leh a pa hruai lût ve ang che.

²⁰Sava chi tin nên ran leh a tlenga tleng chi hrang hrang nên an him theih nân pahnih zêl an lût ve tûr a ni.

²¹In tla tâwk tûr ei tûr la khâwm la, nangni leh anni ei atân chhêk khâwm ang che,” a ti a.

²²Nova chuan Pathian thupêk ang chuan a ti ta vek a.