Read Mizo Lushai LEHKHABU PAKHATNA LALTE 17 Bible Online

LEHKHABU PAKHATNA LALTE 17 - Mizo Lushai bible

LEHKHABU PAKHATNA LALTE 17

¹Gilead ram Tisbe mi Elija chuan Ahaba hnênah, “LALPA, Israel-te Pathian rawng ka bâwl ṭhina hmingin ka hrilh a che, kum hnih kum thum chhûng chu ka thu lo chuan leiah ruah leh dai a tla lo vang,” a ti a.

²LALPA thu chu Elija hnênah a lo thleng a.

³“Heta ta hi chhuak la, khawchhak lam pan la, Jordan chhaka Kerith lui kamah han biru rawh.

⁴Luite tui chu i tlân ang a, nangmah châwmtu tûrin choakte thu ka pe tawh e,” a ti a.

⁵LALPA sawi ang chuan a ti a, Jordan chhaka Kerith lui chu a pan a, tah chuan a awm ta a.

⁶Zîng leh tlaiah choakte chuan chhang leh sa an rawn lâksak ziah ṭhîn a, luite tui chu a tlân a.

⁷Chu ramah chuan ruah rêng a sûr tâk loh avângin luite tui chu a kang ta a.

⁸ LALPA chuan Elija hnênah,

⁹“Tho la, Sidon biala Zarefat khuaah kal la, tah chuan awm rawh, châwm tûr chein hmeithai pakhat ka ruat tawh e,” a ti a.

¹⁰Zarefat khuaah chuan a kal ta a. Chu khaw kulh kawngka a va thlen chuan hmeithai pakhat hian thing a lo fawm a, Hmeithai chu a han au va, “Tui tlêm min han suahsak la, ka lo in ang e,” a ti a.

¹¹La tûra a kal lai chu, “Khawngaih takin chhang tlêm min han pe bawk ang che,” a ti zui a.

¹²Hmeithai chuan, “LALPA, i Pathian nung hmingin ka hrilh a che, chhang zawng ka nei lo, bêlah chhangphut vei khat lek leh bûrah hriak tlêm tê chauh ka nei a. Ka fapa nêna kan ei tûr siam nân thingṭang tlêm tê ka fawm a, chu chu kan ei zawhah rilṭâmin kan thi tawh mai ang,” a ti a.

¹³Elija chuan, “Mangang suh, hâwng la, in ei tûr chu va siam rawh. Amaherawhchu, chhang tlêm min han siamsak phawt la, mi han pe ang che, a bâk chu i tân leh i fapa tân i siam dâwn nia.

¹⁴LALPA, Israel-te Pathian chuan heti hian a ti: ‘Ruah ka sûrtîr hma chu chhangphut bêl chu a ruak lo vang a, hriak bûr chu a kang hek lo vang’ a ti e,” a ti a.

¹⁵Hmeithai chu a kal a, Elija sawi ang chuan a va ti a; tichuan, an vaia ni rei tak ei tûr chhang a lo awm ta a.

¹⁶LALPAN Elija hnêna a sawi ang chuan chhangphut bêl chu a ruak lo va, hriak ûm pawh a kang hek lo.

¹⁷Chumi hnu chuan hmeithai fapa chu a dam lo va, a na chu a zual tawlh tawlh a, a thi ta hial a.

¹⁸Hmeithai chuan Elija hnênah, “Pathian mi, engati nge hetianga mi tih le? Pathian hmaa ka sualna târ lang tûr leh ka fapa tihlum tûra lo kal i nih hi le,” a ti a.

¹⁹Elija chuan, “I fapa chu mi han pe teh,” a ti a. A nu pawm lai chu a lâksak a, a chênna pindan chungnungah a pawm chho va, ama khumah a muttîr a.

²⁰Ring takin a ṭawngṭai a, “Aw LALPA, ka Pathian, engtizia nge he thil ṭha lo tak hi he hmeithai chungah hian i thlentîr le? He nu hi a ngilneiin min ti ṭha hle si a, engati nge a fapa hi i tihhlum mai le?” a ti a.

²¹Tichuan, naupang chungah chuan vawi thum a bawk a, a ṭawngṭai a, “Aw LALPA, ka Pathian, he naupang hi tidam leh teh,” a ti a.

²²LALPA chuan Elija ṭawngṭai chu a chhâng a, naupang chu a lo thaw chhuak a, a dam leh ta a.

²³Elija chuan naupang chu a nu hnênah a chhukpui a, a hnênah, “Hei i fapa chu a dam leh ta e,” a ti a.

²⁴Hmeithai chuan, “Pathian mi i ni a, LALPA chuan i hnênah thu a sawi tih tûnah ka hre ta,” a ti a.