Read Mizo Lushai BU KHATNA CHRONICLES 2 Bible Online

BU KHATNA CHRONICLES 2 - Mizo Lushai bible

BU KHATNA CHRONICLES 2

¹Jakoban fapa Reubena te, Simeona te, Levia te, Juda te, Isakara te, Zebuluna te,

²Dana te, Josefa te, Benjamina te, Naftalia te, Gada te, Asera te a nei a.

³Juda hian fapa panga a nei: Kanan hmeichhia Batsuaii lakah fa pathum Era te, Onama te, Sela te a nei a. A fapa upa ber Era hi a sual êm avângin LALPA chuan a tihlum a.

⁴A monu Tamari lakah fa pahnih Pereza leh Zera a nei leh bawk.

⁵Pereza hian fapa Hezrona leh Hamula a nei a.

⁶Zera hian fapa panga: Zimria te, Ethana te, Hemana te, Kalkola te, Dara te a nei a.

⁷Zera thlah zînga mi Karmia fapa Akana chuan Pathian tâna serh hran tlat tawh a lâk avângin Israel-hoten an tuar phah a nih kha.

⁸Ethana hian fapa Azaria a nei a.

⁹Hezrona hian fa pathum Jerameela te, Rama te, Kelubaia te a nei a.

¹⁰Rama hian fapa Aminadaba a nei a, ani hian Juda hnam zînga mi ropui tak, fapa Nasona a nei a.

¹¹Nasona hian fapa Salmona a nei a, ani chuan Boaza a nei a.

¹²Boaza fapa chu Obeda a ni, Jesaia pa chu.

¹³Jesaia hian fapa pasarih a nei: an upat dân indawtin: Eliaba, Abinadaba, Simea,

¹⁴Nethanela, Radaia,

¹⁵Ozema, Davida.

¹⁶An farnute chu Zeruii leh Abigaili an ni. Zeruii hian fapa pathum Abisaia te, Joaba te, Asahela te a nei.

¹⁷Abigaili hian fapa Amasa a nei a, a pasal chu Ismaela thlah Jethera a ni.

¹⁸Hezrona fapa Kaleba chuan Azubi nupuiah a nei a, fanu Jerioti a nei a, fapa pathum Jesera te, Sobaba te, Ardona te a hrinsak a.

¹⁹Azubi thih hnuah Kaleba chuan Efrati nupuiah a nei a, fapa Hura an nei a.

²⁰Hura chuan fapa Uria a nei a; ani chuan fapa Bezalela a nei a.

²¹Kum sawmruk a nihin Hezrona chuan Makira fanu, Gileada farnu, nupuiah a nei a, fapa Seguba a nei a.

²²Seguba chuan Jaira a nei a, chu mi chu Gilead rama khaw sawmhnih leh pathum chunga lal a ni.

²³Gesur-ho leh Aram-ho chuan chûng lai ram khaw sawmruk chu an la a, Jaira leh Kenat te khua leh an khawperte pawh an la tel a. Chûng khuaa chêngte chu Gileada pa Makira thlahte vek an ni.

²⁴Hezrona chu a thi a, a fapa Kaleba chuan a pa nupui thihsan Efrati chu nupuiah a nei a, fapa Asura a nei a, ani hi Tekoa khaw zuan hmasatu a ni.

²⁵Hezrona fapa upa ber Jerameela chuan fapa panga a nei; a upa ber chu Rama a ni, a dang chu Buna te, Orena te, Ozema te, Ahija te an ni.

²⁶Rama hian fapa pathum, Maaza te, Jamina te, Ekera te a nei a.

²⁷Jerameela hian nupui dang, Atari a nei a, fapa Onama a nei a.

²⁸Onama hian fapa pahnih, Samaia leh Jada a nei a. Samaia pawh hian fapa pahnih, Nadaba leh Abisura a nei a.

²⁹Abisura hian nupuiah Abihaili a nei a, fapa pahnih, Abana leh Molida a nei a.

³⁰Abisura u Nadaba pawh hian fapa pahnih, Seleda leh Apaima a nei a, Seleda chu fa nei lovin a thi a,

³¹Apaima chuan fapa Isia a nei a, Isia chuan Sesana, Sesana chuan fapa Ahlaia a nei a.

³²Samaia nau Jada chuan fapa pahnih, Jethera leh Jonathana a nei a. Jethera chu fa nei lovin a thi a.

³³Jonathana chuan fapa pahnih, Peleta leh Zaza a nei a. Hêngho hi Jerameela thlahte chu an ni.

³⁴Sesana hian fapa a nei lo, fanu chauh a nei. Chhiahhlawh, Aigupta mi Jarha a nei a,

³⁵ani hi a fanu a neihtîr a, fapa Ataia an nei a.

³⁶Ataia hian fapa Nathana a nei a, ani chuan fapa Zabada a nei a.

³⁷Zabada hian fapa Eflala a nei a, ani chuan fapa Obeda a nei a.

³⁸Obeda chuan fapa Jehua a nei a, Jehua chuan fapa Azaria a nei a.

³⁹Azaria chuan fapa Haleza a nei a, ani chuan fapa Eleasa a nei a.

⁴⁰Eleasa chuan fapa Sismaia a nei a, ani hian fapa Saluma a nei a.

⁴¹Saluma hian fapa Jekamia a nei a, ani hian fapa Elisama a nei a.

⁴²Jerameela u, Kaleba fapa upa ber chu Mesa a ni, Zifa pa a ni a. Zifa chuan fapa Maresa a nei a, ani chuan fapa Hebrona a nei a.

⁴³Hebrona chuan fapa pali - Kora te, Tapua te, Rekema te, Sema te a nei a.

⁴⁴Sema chu Rahama pa a ni, Rahama chuan fapa Jorkeama a nei a, Sema u Rekema chuan fapa Samaia a nei a,

⁴⁵ani chuan fapa Maona a nei a, Maona chuan fapa Betzura a nei a.

⁴⁶Kaleba chuan hmei, Efaii a nei a, ani nên chuan fa pathum Harana te, Moza te, Gazeza te an nei a. Harana pawh hian fapa Gazeza bawk a nei.

⁴⁷Mi pakhat Jadaia chuan fapa paruk, Regema te, Jothama te, Gesana te, Peleta te, Efaa te, Saafa te a nei a.

⁴⁸Kaleba chuan hmei dang Maaki a nei a; fapa pahnih, Sebera leh Tirhana a neihsak a.

⁴⁹Nakin deuhvah fa pahnih, Saafa leh Seva a neihsak leh a. Saafa hi Madmana khaw dintu a ni a, Seva hi Makbena leh Gibea khaw zuan hmasatu a ni. Kaleba hian fanu Aksaii a nei bawk.

⁵⁰Hêngho pawh hi Kaleba thlahte an ni: Kaleba leh a nupui Efrati fapa upa ber chu Hura a ni. Hura fapa Sobala chu Kiriat-jearim khaw dintu a ni.

⁵¹A fapa, an milai Salma chu Bethlehem khaw dintu a ni, a fa tlum Harefa chu Beth-gadar khaw dintu a ni.

⁵²Kiriat-jearim dintu Sobala chu Haroe leh Menuhot-a awm zâtve thlahtu a ni.

⁵³Kiriat-jearim-a awmho Ithra-ho te, Put-ho te, Sumat-ho te, Misra-ho te hi a thlahte an ni bawk. Zera leh Estaol khuaa awmte pawh hêng chi pêngte hi an ni.

⁵⁴Bethlehem khaw dintu Salma chu Netofat te, Atrot-beth-Joab khuaa awmte thlahtu a ni. Manahat-a awm zâtve dâwn lai, Zor-ho thlahtu pawh a ni.

⁵⁵Lehkha ziak mi, Jabes khuaa awm Tirat-ho te, Simeat-ho te, Sukat-ho te, Ken-ho te nên chi khat an ni. Rekab-ho nên an inneih pawlh.