Read Mizo Lushai BU KHATNA CHRONICLES 20 Bible Online

BU KHATNA CHRONICLES 20 - Mizo Lushai bible

BU KHATNA CHRONICLES 20

¹Kum a lo thar a, nipui a lo thaw dâwn a, lalhote rammut ṭhin hun chu a lo thleng a. Joaba chuan sipai a hruai a, Amon-ho ram chu a va rûn a. Lal Davida erawh chu Jerusalem-ah a awm rih a. Raba khua chu an hual a, an bei a, an tichhe ta a.

²An pathian lim Milkoma lukhum chu rangkachak kg. sawmthum leh pali laia rit a ni a, chutah chuan lunghlu pawh an phûm nual a; chûng chu Davida chuan a lallukhumah chuan a phûm a; khua aṭang chuan thil tam tak, râllâk sumah a la a.

³Khuaa mite chu a kawi a, thingzaiah te, leiletah te leh hreia thing tanah te a chhawr a. Amon khaw danga mite pawh chutiang bawk chuan a chhawr a. A hote nên Jerusalem-ah Davida chu a kîr leh ta a.

⁴Nakin deuhvah chuan Filistia mite nên Gezer-ah an indo leh a, Hamath mi Sibekaia chuan Filistia mi zînga milian thlah Sifaia a that a, Filistia-ho chu an tlâwm ta a.

⁵Filistia mite nên an inbei leh a, Jaira fapa Elhanana chuan Goliatha nau Lahmia, Gath khaw mi chu a that a; chu mi fei chu kechâwn tiat dâwn laia hrawl a ni.

⁶Gath khuaah hian an inbei leh a. Milian pakhat, kutzungṭang paruk leh kezungṭang paruk ve ve nei a awm a, hmânlai miliante thlah a ni.

⁷Israel-te chu a cho vei a, Davida u Sama fapa Jonathanan a that a.

⁸Davida leh a hote thah miliante hi Gath khuaa awm milian thlah an ni.