Read Mizo Lushai BU KHATNA CHRONICLES 24 Bible Online

BU KHATNA CHRONICLES 24 - Mizo Lushai bible

BU KHATNA CHRONICLES 24

¹Hêngho hi Arona thlah chi hrang hrangte chu an ni: Arona chuan fapa pali - Nadaba te, Abihua te, Eleazara te, Ithamara te a nei a.

²Nadaba leh Abihua hi an pa thih hmain fa nei lovin an thi a, Eleazara leh Ithamara chu puithiam an ni ta a.

³Lal Davida chuan puithiamho chu an tih tûr azirin pâwl hrang hrangah a ṭhen a. Eleazara thlah Zadoka leh Ithamara thlah Ahimelekan Davida chu an tihpui a.

⁴Eleazara thlahah hian hruaitu tûr mipa an tam zâwk avângin pâwl sawmparuk an ṭhen a, Ithamara thlahte erawh chu pâwl riatah an ṭhen a.

⁵Tempula hotute leh Pathian rawngbâwl hnaa hotute an nih avângin rawngbâwltu tûr ṭhumvâwrin Eleazara leh Ithamara thlahte chu a indawtin an ruat a.

⁶Eleazara thlahte leh Ithamara thlahte chu ṭhumvâwrin hna an inchhâwk kual ṭhîn a ni. Nethanela, Levia chia mi, ziaktu chuan, lal te, a ṭhuihruai hotu lian te, puithiam Zadoka leh Abiathara fapa Ahimeleka hriatah a chhinchhiah a, puithiam zînga hotu te, Levia chi zînga hotute pawhin an hre ṭhîn.

⁷Pâwl sawmhnih leh pali chuan hetianga indawtin hna an thawk diat diat tûr a ni: Jehoiariba pâwl, Jedaia pâwl,

⁸Harima pâwl, Seorima pâwl,

⁹Malkisa pâwl, Mijamina pâwl,

¹⁰Hakosa pâwl, Abija pâwl,

¹¹Jesua pâwl, Sekania pâwl,

¹²Eliasiba pâwl, Jakima pâwl,

¹³Hupa pâwl, Jesebeaba pâwl,

¹⁴Bilga pâwl, Imera pâwl,

¹⁵Hezira pâwl, Hapizeza pâwl,

¹⁶Pethahia pâwl, Jehezkela pâwl,

¹⁷Jakina pâwl, Gamula pâwl,

¹⁸Delaia pâwl, Maazia pâwl.

¹⁹ LALPA, Israel-te Pathian thupêk anga an thlahtu Aronan tih tûr a lo ruat chu Tempula an kal hunah hian an rawn ti ṭhîn tûr a ni.

²⁰Levia thlah chhûngkaw dang hotute chu hêng hi an ni: Amrama thlah zînga mi Subaela thlah Jedeia te,

²¹Rehabia thlah Isia te,

²²Izara thlah zînga mi Selomota thlah Jahata te;

²³Hebrona fa, a upat dân indawtin - Jeria te, Amaria te, Jahaziela te, Jakameama te;

²⁴Uziela thlah zînga mi Mika thlah Samira te,

²⁵Uziela thlah zînga mi Mika unau Isia thlah Zekaria te.

²⁶Meraria thlah Mahlia te, Musia te, Jaazia te;

²⁷Jaazia hian fapa pathum - Sohama te, Zakura te, Ibria te a nei a.

²⁸Mahlia hian fapa pahnih - Eleazara leh Kisa a nei a.

²⁹Eleazara hian fapa a nei lo va; Kisa hian fapa pakhat Jerameela a nei.

³⁰Musia hian fapa pathum - Mahlia te, Edera te, Jeremota te a nei. Hêng zawng hi Levia thlahte chu an ni.

³¹An unau Arona thlahte tih dân ang khân an chhûngkaw hotu ber leh a naute zînga pakhat chuan Levia chite zînga rawngbâwltu tûr hriat nân ṭhum an vâwr ṭhîn; Lal Davida te, Zadoka te, Abimeleka te, puithiam zînga hotu te leh Levia chi zînga hotu te pawh an hriattîr ṭhîn.