Read Mizo Lushai BU KHATNA CHRONICLES 25 Bible Online

BU KHATNA CHRONICLES 25 - Mizo Lushai bible

BU KHATNA CHRONICLES 25

¹Lal Davida leh Levia chi zînga hotute chuan hêngho hi Pathian biak kaihruaitu atân an ruat; Asafa te, Hemana te, Jeduthuna te; ṭingṭang leh perhkhuang an tum bawk ang a, dârbenthek an bêng bawk ang; Pathian thuchah an puang ṭhîn ang. Pathian biak kaihhruainaa an tih tûr bîk ruat dân chu hetiang hi a ni:

²Asafa chuan a fapa pali - Zakura te, Josefa te, Nethania te, Asarela te chu a kaihruai ang a. Lalin Pathian thu puang tûra a tih apiangin thu an sawi tûr a ni.

³Jeduthuna chuan a fapa paruk Gedalia te, Zeria te, Jesaia te, Simeia te, Hasabia te, Matithia te a ho vang a, perhkhuang tumin Pathian thu an puang ang a, fak hla leh lâwmthu sawi hla an sa ṭhîn ang.

⁴Hemana hian fapa sâwm leh pali - Bukia te, Matania te, Uziela te, Sebuela te, Jerimota te, Hanania te, Hanana te, Eliatha te, Gidaltia te, Romamti-ezera te, Josbekasa te, Malothia te, Hothira te, Mahaziota te a nei a.

⁵Hemana hi lal zâwlnei a ni a, tihropui a tiam avângin Pathianin fapa sâwm leh pali leh fanu pathum a pe a ni.

⁶A fa zawng zawngte hian an pa hovin ṭingṭang te, perhkhuang te leh dârbenthek tein Tempula zai an rem thiam vek a. Asafa te, Jeduthuna te, Hemana te hi lal ruat an ni.

⁷Hêng mi sawmhnih leh palite hi thil tum thiam vek an ni. An chipui Levia chi dang, hla sa thiamte nên, an vaiin mipa zahnih leh sawmriat leh pariat an ni.

⁸An thawh tûr hriat nân la naupang deuh emaw, upa tawh deuh emaw, zirtîrtu emaw, zirtu emaw, an zaa tân ṭhum an vâwr ṭhîn.

⁹Hei hi pâwl tin hotu, an fate leh an unaute nên mi sâwm leh pahnih zêl thawh hun ruat indawt dân chu a ni: Asafa fa Josefa ho, Gedalia ho,

¹⁰Zakura ho,

¹²Nethania ho,

¹⁴Jesarela ho,

¹⁵Jesaia ho,

¹⁶Matania ho,

¹⁷Simeia ho,

¹⁸Azarela ho,

¹⁹Hasabia ho,

²⁰Subaela ho,

²¹Matithia ho,

²²Jeremota ho,

²³Hanania ho,

²⁴Josbekasa ho,

²⁵Hanana ho,

²⁶Malothia ho,

²⁷Eliatha ho,

²⁸Hothira ho,

²⁹Gidaltia ho,

³⁰Mahaziota ho,

³¹Romamti-ezera ho.