Read Mizo Lushai BU KHATNA CHRONICLES 27 Bible Online

BU KHATNA CHRONICLES 27 - Mizo Lushai bible

BU KHATNA CHRONICLES 27

¹Israel mi zât - chhûngkaw hrang hotu te, sâng pâwl hotu te, za pâwl hotu te leh lehkha ziaktu te, lal bula sawrkâr hna thawktu pâwl khat mi sînghnih leh sângli zêl an ni; kum tluanin thla tin hotu hrang neiin an inthlâk kual ṭhîn.

²Thla khatnaa thawk pâwl, mi sînghnih leh sângli chu Zabdiela fapa Jesobeaman a ho va.

³Ani hi Juda fa Pereza thlaha mi a ni.

⁴Thla hnihnaa thawk pâwl mi sînghnih leh sângli chu Aho mi Dodaian a ho va. He pâwl hotu ber dawttu chu Miklota a ni.

⁵Thla thumnaa thawk pâwl, mi sînghnih leh sângli chu Puithiam Jehoiada fapa Benaian a ho va.

⁶“Pasalṭha sawmthum’ tih zînga tel kha a ni. A fapa Amizabada chuan he pâwl hi a ho chhâwk ṭhîn.

⁷Thla linaa thawk pâwl, mi sînghnih leh sângli chu Joaba nau Asahelan a ho va. A fapa Zebadia chuan he pâwl hi a ho ve bawk ṭhîn.

⁸Thla nganaa thawk pâwl, mi sînghnih leh sângli chu Izra mi Samhutan a ho va.

⁹Thla ruknaa thawk pâwl, mi sînghnih leh sângli chu Tekoa khaw mi Ikesa fapa Ira-an a ho va.

¹⁰Thla sarihnaa thawk pâwl, mi sînghnih leh sângli chu Pelon mi Efraima thlah Helezan a ho va.

¹¹Thla riatnaa thawk pâwl, mi sînghnih leh sângli chu Hosa mi Sibekaian a ho va. Ani hi Juda thlah zînga Zera thlaha mi a ni.

¹²Thla kuanaa thawk pâwl, mi sînghnih leh sângli chu Benjamin bial Anathot khaw mi Abiezeran a ho va.

¹³Thla sâwmnaa thawk pâwl, mi sînghnih leh sângli chu Netofa khaw mi Maharaian a ho va. Ani hi Zera thlah zînga tel ve a ni.

¹⁴Thla sâwm leh pakhatnaa thawk pâwl, mi sînghnih leh sângli chu Efraim bial Pirathon mi Benaian a ho va.

¹⁵Thla sâwm leh pahnihnaa thawk pâwl, mi sînghnih leh sângli chu Netofa khaw mi Othniela thlah Heldaian a ho va.

¹⁶Reuben thlah hotu chu Zikria fapa Eliezara a ni. Simeon thlah hotu chu Maaka fapa Sefatia a ni.

¹⁷Levia thlah hotu chu Kemuela fapa Hasabia a ni. Arona thlah hotu chu Zadoka a ni.

¹⁸Juda thlah hotu chu Davida u Elihua a ni. Isakara thlah hotu chu Mikaela fapa Omria a ni.

¹⁹Zebulun thlah hotu chu Obadia fapa Ismaia a ni. Naftalia thlah hotu chu Azriela fapa Jeremota a ni.

²⁰Efraim thlah hotu chu Azazia fapa Hosea a ni. Khawthlang lama awm Manasea thlah hotu chu Pedaia fapa Joela a ni.

²¹Khawchhak lam, Gilead-a awm, Manasea thlah hotu chu Zekaria fapa Idoa a ni. Benjamin thlah hotu chu Abnera fapa Jaasiela a ni.

²²Dana thlah hotu chu Jerohama fapa Azarela a ni. Chûng chu Israel hnam hrang hrang hotute chu an ni.

²³Chhiarpuiah khân lal Davida chuan kum sawmhnih hnuai lam mi chu a chhiar tel ve lo; mite chu vâna arsi angin an tam ang tih LALPA chuan a tiam tlat avângin.

²⁴Zeruii fapa Joaban chhiarpui chu a ho va; mahse, a zo hman lo; chhiarpui avâng hian Pathianin Israel-te chu a sawisa a, mi eng zât chiah nge awm tih lal Davida chanchin ziaknaah pawh ziak a ni lo.

²⁵Lal kudâm chu Adiela fapa Azmavetan a enkawl a, khaw hrang hranga lal pual dahna inte chu Uzia fapa Jonathanan a enkawl a.

²⁶Lal lova hnathawktute chu Keluba fapa Ezrian a enkawl a.

²⁷Lal grep enkawltu chu Rama mi Simeia a ni. Uain dah khâwm enkawltu chu Sefam mi Zabdia a ni.

²⁸Khawthlang lam tlâng bulṭhuta lal Oliv leh theipui huante chu Geder mi Baal-hananan a enkawl a. Oliv hriak enkawltu chu Joasa a ni.

²⁹Saron phaia lal ran tlattîrtute chu Saron mi Sitraian a enkawl a. Phai dang danga ran tlattîrtute chu Adlaia fapa Safatan a enkawl a.

³⁰Sanghâwngsei enkawltu chu Ismael mi Obila a ni. Sabengtung enkawltu chu Meronota mi Jehdeia a ni.

³¹Berâm leh kêl rual chu Hagri mi Jaziza enkawl a ni. Hêng mite hi Davida mi, a sum leh pai enkawltute chu an ni.

³²Davida pami, Jonathana, mi fing tak, lehkha thiam tak chu thurâwntu a ni. Hakmona fapa Jehiela nên lal fate zirtîrtu an ni.

³³Ahitofela chu lal thurâwntu a ni a, Ark mi Husaia chu lal ṭhian a ni.

³⁴Ahitofela thih hnuah Benaia fapa Jehoiada leh Abiathara chu lal thurâwntute an ni; Joaba chu lal sipai hotu a ni.