Read Mizo Lushai BU KHATNA CHRONICLES 4 Bible Online

BU KHATNA CHRONICLES 4 - Mizo Lushai bible

BU KHATNA CHRONICLES 4

¹Hêng hi Juda thlah ṭhenkhatte an ni: Pereza te, Hezrona te, Karmia te, Hura te, Sobala te.

²Sobala chuan fapa Reaia a nei a, ani chuan fapa Jahata a nei a. Jahata hian fapa Ahumaia leh Lahada, Zora khuaa awmte thlahtute chu a nei a.

³Kaleba leh Efrati fa hmasa chu Hura a ni, Bethlehem khaw dintu chu. Hura chuan fapa pathum Etama te, Penuela te, Ezera te a nei a. Etama chuan fapa pathum Jezreela te, Isma te, Idbasa te a nei a, fanu pakhat Hazelelponi a nei bawk.

⁴Penuela hi Gedor khaw dintu a ni a, Ezera hi Husa khaw dintu a ni.

⁵Tekoa khaw dintu Asuran nupui pahnih - Heli leh Naari a nei a,

⁶Naari nên fapa pali - Ahuzama te, Hefera te, Temenia te, Hahastaria te an nei a.

⁷Heli nên fapa pathum - Zereta te, Izara te, Ethnana te an nei a.

⁸Haruma fapa Aharhela thlahte neitu Koza chuan fapa Anuba leh Zobeba a nei bawk.

⁹An chhûng zînga zahawm fâl mi pakhat Jabeza a awm a, a nuin, “Na ti taka ka hrin a ni,” tiin a hmingah Jabeza a sa a ni.

¹⁰Israel-te Pathian hnênah Jabeza chu a ṭawngṭai a, “Aw Pathian, mal min sâwm la, ram zau tak min pe teh, nâ ka tuar loh nân thil ṭha lo lakah min vêng la, min awmpui reng ang che,” a ti a. Pathian chuan a dîl angin a tihsak a.

¹¹Suha unaupa Kaleba chuan fapa Mehira a nei a, Mehira chuan fapa Estona a nei a,

¹²ani chuan fapa pathum - Bethrafa te, Pasea te, Tehina te a nei a, Tehina hi Nahas khaw dintu a ni. Hêngho thlahte hi Reka-ah an awm.

¹³Kenaza chuan fapa pahnih - Othniela leh Seraia a nei a. Othniela pawhin fapa pahnih, Hathata leh Meonothaia a nei a.

¹⁴Meonothaia hian fapa Ofra a nei a, Seraia hian fapa Joaba hi a nei a, Joaba hi ‘Themthiam Ruam’ an tiha awmte thlahtu a ni. Heta awmte hi mi themthiam tak tak hlîr an ni.

¹⁵Jefunea fapa Kaleba chuan fapa pathum Irua te, Ela te, Naama te a nei a. Ela chuan fapa Kenaza a nei a.

¹⁶Jehalelan fapa pali - Zifa te, Zifaia te, Tiria te, Asarela te a nei a.

¹⁷Ezra chuan fa pali - Jethera te, Mereda te, Efera te, Jalona te a nei a. Mereda hian Aigupta lal fanu Bithiai nupuiah a nei a; fanu pakhat Miriami leh fapa pahnih - Samaia leh Isba an nei. Isba hi Estemo khaw dintu a ni.

¹⁸Mereda chuan Juda hnam nupui a nei bawk a, fapa pathum - Jereda te, Hebera te, Jekuthiela te an nei a. Jereda hi Gedor khaw dintu a ni, Hebera hi Soko khaw dintu a ni; Jekuthiela hi Zano khaw dintu a ni.

¹⁹Hodia chuan Nahama farnu nupuiah a nei a; an fate chu Keila khuaa Garm-ho leh Estemoa khuaa awm Maaka-ho thlahtute an ni.

²⁰Simona chuan fapa pali Amnona te, Rina te, Ben-hanana te, Tilona te a nei a. Isia hian fapa Zoheta leh Ben-zoheta a nei a.

²¹Juda fapa Sela thlahte chu hêngte hi an ni: Era, Leka khaw dintu; Laada, Maresa khaw dintu; a thlahte chu Beth Asbea khuaa awmte hi an ni, la dek mi an ni.

²²Jokima, Kozeba khuaa awmte nên hian; Joasa leh Sarafa; anni hian Moab nula nupuiah an nei a. Bethlehem khuaah an awm ta a (an chanchin chhuina hi hmânlaia mi a ni).

²³Lal mi rawih, bêl vaw mi an ni, Netaim leh Gedera khuaah an awm.

²⁴Simeonan fapa panga - Nemuela te, Jamina te, Jariba te, Zera te, Saula te a nei a.

²⁵Saula hian fapa Saluma a nei a, ani chuan fapa Mibsama a nei a, Mibsama hian fapa Misma a nei a.

²⁶Misma hian fapa Hamuela a nei a, ani chuan fapa Zakura a nei a, Zakura chuan fapa Simeia a nei a.

²⁷Simeia chuan fapa sâwm leh paruk leh fanu paruk a nei a, a laichîn dangte erawh chuan fa an nei tam ve lo; Simeona thlahte chu Juda thlahte angin an hung ve lo.

²⁸Davida hun thleng kha chuan Simeona thlahte hi Beer-seba-ah te, Molada-ah te, Hazar-sual-ah te,

²⁹Bilha-ah te, Ezem-ah te, Tolad-ah te,

³⁰Bethuel-ah te, Horma-ah te, Ziklag-ah te,

³¹Beth-markabot-ah te, Hazar-susim-ah te, Beth-biri-ah te, Saaraim khuaah te an awm ṭhîn.

³²Etam-ah te, Ain-ah te, Rimon-ah te, Token-ah te, Asan khuaah te leh

³³an chhehvêl khuaah te, Baalat khaw chhimthlang thlengin an awm bawk. An chhûngkaw chanchin leh an awm ṭhinna ziakna bu-ah chuan an hnam hruaitute chu hêngte hi an ni:

³⁴Mesobaba te, Jamleka te, Amazia fapa Josa te,

³⁵Joela te, Jehua te (Jehua hi Josibia fa a ni, chu mi pa chu Asiela fapa Seraia a ni).

³⁶Elioenaia te, Jaakoba te, Jesohaia te, Asaia te, Adiela te, Jesimiela te, Benaia te, Ziza te.

³⁷Ziza hi Sifia fa a ni; chu mi chu Alona fa a ni. Alona hi Jedaia fa a ni, chu mi pa chu Semaia fa Simria a ni.

³⁸Hêng chhûngkuate hi an pung chak hle a.

³⁹Khawthlang lamah Gerar thlengin an inzâr darh a, chu khaw awmna ruam khawchhak lamahte an berâmte an zu tlattîr ṭhîn.

⁴⁰Ram awl zau, hnim ṭhatna hmun, ram reh muanawm tak an hmu ṭeuh a ni. Hêng laiah hian Ham-ho an awm ṭhîn.

⁴¹Judai ram lal Hezekia hun lai khân khîngte khi Gerar-ah an kal a, chuta awmte puan in leh an bûkte chu an tihchhiatsak a. An berâm tlatna tûr hnim a ṭhat êm avângin chuta lo awmte chu an hnawt chhuak a, anmahni an awm hlen ta a ni.

⁴²Isia fa Pelatia te, Nearia te, Refaia te leh Uziela te hovin Simeona thlahte zînga mi zanga chu khawchhak lam Edom ramah an kal a.

⁴³Amalek-ho la awmte chu an that a, tûn thlengin an awm ta zêl a.