Read Mizo Lushai BU KHATNA CHRONICLES 6 Bible Online

BU KHATNA CHRONICLES 6 - Mizo Lushai bible

BU KHATNA CHRONICLES 6

¹Levia chuan fa pathum - Gersona te, Kohata te, Meraria te a nei a.

²Kohata hian fa pali - Amrama te, Izara te, Hebrona te, Uziela te a nei a.

³Amrama chuan fapa pahnih - Arona leh Mosia a nei a, fanu Miriami a nei bawk. Arona hian fa pali - Nadaba te, Abihua te, Eleazara te, Ithamara te a nei a.

⁴Eleazara thlahte chu a chhuan indawtin hêngte hi an ni: Finehasa, Abisua,

¹⁰Azaria (Jerusalem Tempul, Solomona saka rawngbâwltu kha),

¹¹Amaria, Ahituba,

¹²Zadoka, Saluma,

¹³Hilkia, Azaria,

¹⁴Seraia, Jehozadaka.

¹⁵Jehozadaka hi lal Nebukadnezaran salah Judai ram leh Jerusalem-a mi dangte zîngah a hruai ve a, LALPA chuan salah a tântîr a ni.

¹⁶Levia chuan fa pathum - Gersona te, Kohata te, Meraria te a nei a.

¹⁷Chûng chuan fapa an nei ṭheuh va. Gersona chuan Libna leh Simeia a nei a.

¹⁸Kohata chuan Amrama te, Izara te, Hebrona te, Uziela te a nei a.

¹⁹Meraria hian Mahlia leh Musia a nei a.

²⁰Gersona thlahte, a chhuan indawtin hêngte hi an ni: Libnia, Jahata, Zima,

²¹Joa, Idoa, Zera, Jeatheraia.

²²Kohata thlahte, a chhuan indawtin hêngte hi an ni: Aminadaba, Kora, Asira,

²³Elkana, Ebiasafa, Asira,

²⁴Tahata, Uriela, Uzia, Saula.

²⁵Elkana chuan fapa Amasaia leh Ahimota a nei a.

²⁶Ahimota thlah, a chhuan indawtin hêngte hi an ni: Elkana, Zofaia, Nahata,

²⁷Eliaba, Jerohama, Elkana.

²⁸Samuela fapa upa zâwk chu Joela a ni a, a naupang zâwk chu Abija a ni.

²⁹Meraria thlah, a chhuan indawtin hêngte hi an ni: Mahlia, Libnia, Simeia, Uza,

³⁰Simea, Hagia, Asaia.

³¹Jerusalem khuaa Thuthlung bâwm an lâk luh hnu chuan lal Davidan hêng mite hi Pathian biak huna zaipâwl huaihawt tûrin a ruat.

³²Lal Solomonan Tempul a sak hnu chuan hêng mite hi pâwla insiamin Inbiakna bûka hla sa tûrin an inkalchhâwk ṭhîn.

³³Chûng mite inthlah chhâwn dân chu hetiang hi a ni: Kohata thlahte: Zaipâwl khat hotu chu Joela fapa Hemana a ni. Hemana thlahtute chu an chhuan indawtin hêngte hi an ni: Joela, Samuela,

³⁴Elkana, Jerohama, Eliela, Toa,

³⁵Zufa, Elkana, Mahata, Amasaia,

³⁶Elkana, Joela, Azaria, Zefania,

³⁷Tahata, Asira, Ebiasafa, Kora,

³⁸Izara, Kohata, Levia, Jakoba.

³⁹Asafa chu zaipâwl dang hotu a ni. Asafa thlahtute chu an chhuan indawtin hêngte hi an ni: Berekia, Simea,

⁴⁰Mikaela, Baaseia, Malkija,

⁴¹Ethnia, Zera, Adaia

⁴²Ethana, Zima, Simeia,

⁴³Jahata, Gersona, Levia.

⁴⁴Meraria thlah Ethana chu zaipâwl dang hotu a ni. Ethana thlahtute chu an chhuan indawtin hêngte hi an ni: Kisia, Abdia, Maluka,

⁴⁵Hasabia, Amazia, Hilkia,

⁴⁶Amzia, Bania, Semera,

⁴⁷Mahlia, Musia, Meraria, Levia.

⁴⁸An chipui, Levia chi dangte chu, Pathian biakna hmuna tih tûr hrang hrang ti tûrin hna an ruatsak bawk a.

⁴⁹Arona leh a thlahte hi maichâma rimtui hâl a, hâlral thilhlan hlântu an ni. Hmun Thianghlima Pathian biak hi an hova tih tûr a ni. Pathianin a mite sual a ngaihdam nân, thilhlan pawh anni hian an hlân tûr a ni. Pathian chhiahhlawh Mosia sawi ang chiah zêlin chûng chu an ti ṭhîn.

⁵⁰Arona thlahte chu a chhuan indawtin hêngte hi an ni: Eleazara, Finehasa, Abisua,

⁵¹Bukia, Uzia, Zerahia,

⁵²Meraiota, Amaria, Ahituba,

⁵³Zadoka, Ahimaaza.

⁵⁴Arona thlah Kohat-ho awmna ram chu hei hi a ni: Levia chite awmna tûra an ruatsak hmasaah an awm a ni.

⁵⁵Judai ramah chuan Hebron-ah an awmtîr a, a vêl ran tlatna pawh an chan a ni.

⁵⁶He khaw huam chhûnga khawperte leh lo ramte chu Jefunea fapa Kaleba chan a ni.

⁵⁷Arona thlahte awmna tûra an ruat chu hêng hi a ni: Hebron, inhumhimna khua a ni nghâl bawk; Libna, Jatir, Estamoa,

⁵⁸Hilen, Debir

⁵⁹Asan, Beth-semes khaw dai, ran tlatnate nên.

⁶⁰Benjamin-ho bialah hêng khuate leh an dai ran tlatnate hi an behtîr a: Geba, Alemet, Anathot. An chhûngkua zawng zawng awmna tûra an ruat chu khaw sâwm leh pathum a ni.

⁶¹Khawthlang lam Manasea thlahte bialah Kohata thlah mi dangte awmna tûr ṭhumvâwrin a chhûng chhûngin khaw sâwm an ruatsak a.

⁶²Gersona thlahte, a chhûng chhûnga an awmna tûr, Isakara-ho ramah te, Aser-ho ramah te, Naftali-ho ramah te leh khawchhak lama Manasea thlahte awmna Basan ramah te khaw sâwm leh pathum an ruatsak a.

⁶³Chutiang bawkin Reuben-ho te, Gad-ho te leh Zebulun-ho awmna ramah khaw sâwm leh pahnih Meraria thlahte, a chhûng chhûnga an awmna tûr an ruatsak a.

⁶⁴Chutiang bawkin Israel mite chuan Levia chite awmna tûr khua, a dai vêl ran tlatna tûrte nên an ruatsak a

⁶⁵(Juda-ho te, Simeon-ho te, Benjamin-ho te ram chhûng khua an ruatsak pawh kha ṭhum vâwra tih a ni).

⁶⁶Kohata thlah chhûng ṭhenkhat chu Efraim-ho awmna ramah khaw ṭhenkhat leh a dai vêl ran tlatnate an awmna atân an ruatsak a.

⁶⁷Efraim tlângrama awm inhumhimna khua Sekem te, Gezer te,

⁶⁸Jokmeam te, Beth-horon te,

⁶⁹Aijalon te leh Gath-rimon te hi.

⁷⁰Khawthlang lam Manase-ho ramah pawh Aner leh Bileam khuate chu a dai vêl ran tlatnate nên an chanah an ruatsak bawk.

⁷¹Gersona thlahte awm nân hêng khuate hi, a dai vêl ran tlatna nên an ruat bawk: Khawchhak lam Manase-ho awmna Basan bialah Golan leh Astarot khuate hi.

⁷²Isakar-ho awmnaah: Kedes khua te, Daberat khua te,

⁷³Ramot khua te, Anem khua te hi.

⁷⁴Aser-ho awmnaah: Masal khua te, Abdon khua te,

⁷⁵Hukok khua te, Rehob khua te hi.

⁷⁶Naftali-ho awmnaah: Galili-a Kedes khua te, Hamon khua te, Kiriathaim khua te hi.

⁷⁷Meraria thlah dangte chu, hêng khua leh a dai vêl ran tlatnate hi an ruatsak a: Zebulun-ho awmna Rimon leh Tabor khua te.

⁷⁸Jordan chhak lam Jeriko zâwn Reuben-ho awmnaah: Tlâng zâwla Bezer khua te, Jahza khua te,

⁷⁹Kedemot khua te, Mefaat khua te hi.

⁸⁰Gad-ho awmnaah: Gilead biala Mahanaim khua te,

⁸¹Hesbon khua te, Jazer khua te hi.