Read Mizo Lushai BU KHATNA CHRONICLES 7 Bible Online

BU KHATNA CHRONICLES 7 - Mizo Lushai bible

BU KHATNA CHRONICLES 7

¹Isakara khân fapa pali - Tola te, Pua te, Jasuba te, Simrona te a nei a.

²Tola hian fapa paruk, Uzia te, Refaia te, Jeriela te, Jamaia te, Ibsama te, Semuela te a nei a. Chûng chu Tola thlahte chhûngkaw hotu an ni a, mi huaisen hmingthang tak tak an ni; Davida hun laiin an thlahte chu mi sînghnih leh sânghnih leh zaruk an ni.

³Uzia hian fapa pakhat Izrahia a nei a, Izrahia leh a fa pali Mikaela te, Obadia te, Juda te, Isahia te hi chhûngkaw hotu an ni ṭheuh va.

⁴Nupui an ngah a, fate pawh an nei tam a, indo mi sîngthum leh sângruk an awm.

⁵Isakara thlah chhûngkaw zîngah sipaia ṭang thei mi sîngriat leh sângsarih hming ziak a ni.

⁶Benjaminan fapa pathum - Bela te, Bekera te, Jediaela te a nei a.

⁷Bela hian fa panga - Ezbona te, Uzia te, Uziela te, Jerimota te, Iria te a nei a, thlah khat zîngah hotu an ni ṭheuh, an thlahte chu mi sînghnih leh sânghnih leh sawmthum leh pali sipaia chhawr theih an awm.

⁸Bekera hian fapa pakua, Zemira te, Joasa te, Eliezara te, Elioenaia te, Omria te, Jeremota te, Abija te, Anathota te, Alemeta te a nei a.

⁹Thlah tin chhiarnaah sipaia ṭang tlâk mi sînghnih leh zahnih hming ziak a ni.

¹⁰Jediaelan fapa pakhat, Bilhana a nei a. Bilhana hian fapa pasarih, Jeusa te, Benjamina te, Ehuda te, Kenaana te, Zethana te, Tarsisa te, Ahisahara te a nei a.

¹¹Thlah khat lu ṭheuh an ni a, huaisenah an hming a thang. An thlahte zîngah sipai ṭang tlâk mi sîngkhat leh sângsarih leh zahnih an awm.

¹²Supim leh Hupim-ho pawh hêng chi zînga chhiar tel hi an ni. Husima chu mi dang thlah a ni.

¹³Naftali hian fapa pali - Jaziela te, Gunia te, Jezera te, Saluma te, a nei a (Bilhaii thlahte an ni).

¹⁴A nupui Aram mi nên Manasean fa pahnih Asriela leh Makira a nei a. Makira hi Gileada pa a ni.

¹⁵Makira hian Hupima leh Supima tân nupui a zawnsak a. A farnu chu Maaki a ni. Makira fa pahnihna chu Zelofehada a ni, ani hian fa hmeichhia chauh a nei a.

¹⁶Makira nupui Maaki hian fapa pahnih - Peresa leh Seresa a nei a. Peresa hian fapa pahnih - Ulama leh Rekema a nei a.

¹⁷Ulama hian fa pakhat Bedana a nei a. Hêngho hi Gileada thlahte chu an ni. Gileada pa chu Makira a ni a, a pu chu Manasea a ni.

¹⁸Gileada farnu Hamoleketi chuan fapa pathum - Isoda te, Abiezera te, Malaa te a nei a

¹⁹(Semida chuan fapa pali - Ahiana te, Sekema te, Likhia te, Aniama te a nei).

²⁰Efraima thlahte chu a chhuan indawtin hêngte hi an ni: Suthela, Bereda, Tahata, Eleada, Tahata,

²¹Zabada, Suthela, Efraima hian fapa Ezera leh Eliada a nei bawk a; mahse, Gath khaw mite berâm an ru lai an lo that a.

²²An pa Efraima chuan a sûn a, a unaute chuan an rawn lênpui a, an thlamuan a.

²³A nupui chu a pâwl leh a, nau a pai a, fapa a hring a, an chunga buaina a thlen avângin a hmingah Beria an sa a.

²⁴Efraima chuan fanu Seeri a nei bawk; Beth-horon chuanchung leh chuanhnuai khua leh Uzen-seer khuate hi a siam a ni.

²⁵Efraima hian fapa dang Refaa a nei bawk a, chu mi thlahte chu a chhuan indawtin hêngte hi an ni: Resefa, Tela, Tahana,

²⁶Ladana, Amihuda, Elisama,

²⁷Nuna, Josua.

²⁸An ram lâk, an awm tâkna ram chuan Bethel leh a chhehvêl khua aṭangin chhak lamah Naaran khua a thleng a, thlang lamah Gezer leh a chhehvêl khua a thleng bawk. Sekem leh Aia khua, an chhehvêl khua te nên a huam bawk.

²⁹Hêng khawpui Beth-sean te, Taanak te, Megido te, Dor te leh an chhehvêl khuate hi Manasea thlahte thuhnuaiah an awm, khîng hmunahte khian Jakoba fa Josefa thlahte chu an awm a ni.

³⁰Hei hi Aser thlah chhuina a ni. Fapa pali - Imna te, Isva te, Isvia te Beria te a nei a; fanu Seri a nei bawk.

³¹Beria hian fapa Hebera leh Malkiela a nei a. Malkiela hian Birzait khua hi a din a ni.

³²Hebera hian fapa pathum - Jafleta te, Somera te, Hothama te a nei a, fanu Suai a nei bawk.

³³Jafleta hian fapa pathum - Pasaka te, Bimhala te, Asvata te a nei.

³⁴A nau Somera pawh hian fapa pathum - Roga te, Jehuba te, Arama te a nei bawk.

³⁵An tlum ber Hothama hian fapa pali - Zofa te, Imna te, Selesa te, Amala te a nei.

³⁶Zofa thlahte chu a chhuan indawtin hêngte hi an ni: Sua, Harnefera, Suala, Beria, Imra,

³⁷Bezera, Hoda, Sama, Silsa, Ithrana, Beera.

³⁸Jethera thlahte chu Jefunea te, Pispa te, Ara te an ni.

³⁹Ula thlahte chu Ara te, Haniela te, Rizia te an ni.

⁴⁰Khîng khi Asera thlahte chu an ni. A chi hrang hotute chu indonaa hmingthang, hruaitu fel tak tak an ni. Asera thlahte zîngah sipaia ṭang tlâk mi sînghnih leh sângruk an awm.