Read Mizo Lushai BU KHATNA CHRONICLES 9 Bible Online

BU KHATNA CHRONICLES 9 - Mizo Lushai bible

BU KHATNA CHRONICLES 9

¹Israel mi zawng zawng hming chu a chhûng chhûngin ziak vek a ni a. “Israel lalte Lehkhabu” tihah chuan ziak luh a ni. Judai rama mi zawng zawng chu an sual avânga hrem nân Babulon-ah sala hruai vek an ni.

²An in leh lo awmna khuaa lo kîr hmasate chu Israel mi narân te, puithiam te, Levia chi te, Tempul enkawltu te an ni.

³Juda hnam te, Benjamin hnam te, Efraim hnam te leh Manase hnam te chu Jerusalem khuaah awm tûrin an kal a.

⁴Juda fa, Pereza thlahte hruaitu chu Amihuda fapa Uthaia a ni, a pu chu Omria a ni. A thlahtute zîngah Imria leh Bania an tel.

⁵Juda fa Sela thlahte hruaitu chu Asaia a ni, an chhûngkaw hotu ber a ni.

⁶Juda fa Zera thlahte hruaitu chu Jeuela a ni, Juda thlah Jerusalem-a awmte chu mi zaruk leh sawmkua an ni.

⁷Benjamin hnam hrang hrang Jerusalem-a awmte chu hêngte hi an ni: Mesulama fa Salua te chhûng: Mesulama pa hi Hodavia a ni, a pu chu Hasenua a ni;

⁸Jehorama fapa Ibneia te chhûng; Uzia fapa, Mikria tupa Ela te chhûng; Sefatia fapa Mesulama te chhûng: Sefatia hi Reuela fa Ibnija tupa a ni.

⁹He hnam hi Jerusalem-ah chhûngkaw zakua leh sawmnga leh paruk an awm. An hming sawite khi chhûngkaw hotu vek an ni.

¹⁰Hêng puithiamte hi Jerusalem-ah an awm: Jedaia te, Jehoiariba te, Jakina te, Hilkia fapa Azaria te, Ani hi Tempul hnaa hotupa ber a ni. A pute chu a chhuan indawtin:

¹¹Mesulama, Zadoka, Meraiota, Ahituba. Jerohama fapa Adaia te; ani hi a pute chu Pasura te, Malkija te an ni.

¹²Adiela fapa Maasaia te, a pute chu Jazera te, Mesulama te, Mesilemita te, Imera te an ni.

¹³Puithiam, chhûngkhat hotute chu mi sângkhat leh zasarih leh sawmruk an ni. Tempula tih tûr ti thiam vek an ni.

¹⁴Hêng Levia chite hi Jerusalem-ah an awm: Hasuba fapa Semaia: A pate chu Azrikama te, Hasabia te an ni, Meraria thlah an ni; Bakbakara te, Heresa te, Galala te.

¹⁵Mika fapa Matania te: A pute chu Zikria te, Asafa te an ni. Semaia fapa Obadia te, a pute chu Galala te, Jeduthuna te an ni;

¹⁶Asa fapa Berekia te: a pu chu Elkana a ni, Netofa khaw ram chhûnga awm ṭhîn an ni.

¹⁷Hêng Tempul Pulis-te hi Jerusalem-ah an awm: Saluma te, Akuba te, Talmona te, Ahimana te; Saluma hi an hotu a ni.

¹⁸Hetih hun thleng hi chuan lal kawngkhâr an tih khawchhak lamah an awmtîr ṭhîn a. Tûn hnuah erawh hi chuan Levia chite awmna kawngkhâr an vêng ṭhîn.

¹⁹Korea fapa Saluma, Ebiasafa tupa chu Kora chite nên biakbûk kawngkhâr vêngtu an ni; an thlahte pawh LALPA chênna bûk vêngtu an nih kha.

²⁰Eleazara fapa Finehasa chu (LALPA chuan awmpui teh se) an hotu a ni ṭhîn.

²¹Meselemia fapa Zekaria pawh Biakbûk kawngkhâr vêngtu a ni.

²²Kawngkhâr vêngtuah mi zahnih leh sâwm leh pahnih an thlang chhuak a. An awmna khaw indawtin an hming an ziak a. Lal Davida leh zâwlnei Samuelan an hna hi an siamsak a ni.

²³Anniho leh an thlahte hian Tempul kawngkhâr an vêng ta zêl a ni.

²⁴Chhim lam te, hmâr lam te, chhak lam te, khawthlang lam hawi tein kawngkhâr a awm a, chûng vêngtute chuan hotu hran an nei ṭheuh a ni.

²⁵Hêng kawngkhâr vêngtute hi an chhûngte, thingtlânga awmte pawhin an ṭanpui ṭhîn.

²⁶Hêng hotu pali, thuneitu berte hi Levia chi an ni. Tempula pindan hrang hrang te, a chhûnga thil dah vên him te an mawhphurhna a ni.

²⁷Tûk tin zîngah Tempul kawngka an hawng a, a vêngtu an nih nghâl bawk avângin Tempul bul hnaiah an awm ṭhîn.

²⁸Levia chi ṭhenkhatte chu Tempula bungbêl hman enkawltu an ni. An hman dâwnin an lo chhinchhiah vek a, an hman zawha an rawn dah kîr lehin an lo chhinchhiah leh vek ṭhîn.

²⁹Ṭhenkhat chu Tempul thil serh enkawltu an ni; chhangphut te, uain te, oliv hriak te, rimtui hâl tûr te, mosola te an kutah a awm.

³⁰Rimtui hâl tûr mosola chawhpawlh erawh hi chu puithiam tih tûr a ni.

³¹Kora thlah Saluma fapa upa ber Matithia chu thilhlana telh tûr chhang kang hotu a ni.

³²Kohata thlahte hi sabat apianga Tempula dah tûr chhang serh siamtu tûr an ni.

³³Levia chi bawk, mi ṭhenkhat chu Tempula rimawi tumtu an ni. A chhûn a zânin, eng lai pawha koh theih an nih avângin an hotute chu Tempul pindan ṭhenkhatah an awm ṭhîn, hna dang an thawk lo.

³⁴Hêng hi anmahni chhuan zawng zawnga hotu, Levia chhûngkaw hotute an ni. Jerusalem khuaah an awm a.

³⁵Gibeona ho hruaitu Jeiela chu Gibeon khuaah a awm a, a nupui chu Maaki a ni.

³⁶A fapa upa ber chu Abdona a ni. Chu mi naute chu Zura te, Kisa te, Baala te, Nera te, Nadaba te,

³⁷Gedora te, Ahioa te, Zekaria te, Miklota te an ni.

³⁸Miklota hi Simea pa a ni a. Chûngho chu Jerusalem-ah an thlahte nên an chipui dangte awmna bulah an awm.

³⁹Nera hian fapa Kisa a nei a, chu mi chu Saula pa a ni. Saula hian fapa pali Jonathana te, Malkisua te, Abinadaba te, Esbaala te a nei a.

⁴⁰Jonathana hian fapa Merib-baala a nei a, ani chu Mika pa a ni.

⁴¹Mika hian fapa pali - Pithona te, Meleka te, Tarea te, Ahaza te a nei a.

⁴²Ahaza chuan fapa Jara a nei a, ani hian fapa pathum - Alemeta te, Asmaveta te, Zimria te a nei a. Zimria hian fapa Moza a nei a.

⁴³Moza fapa chu Binea a ni. Binea hian fapa Refaia a nei a, chu mi chuan fapa, Azela pa Eleasa a nei a.

⁴⁴Azela hian fapa paruk - Azrikama te, Bokerua te, Ismaela te, Searia te, Obadia te, Hanana te a nei.