Read Mizo Lushai BU HNIHNA CHRONICLES 27 Bible Online

BU HNIHNA CHRONICLES 27 - Mizo Lushai bible

BU HNIHNA CHRONICLES 27

¹Jothama chu kum sawmhnih leh panga a nihin a lal ṭan a, Jerusalem-ah kum sâwm leh paruk a lal a. A nu chu Zadoka fanu Jerusaii a ni.

²A pa ang bawkin LALPA lawmzâwng a ti ṭhîn; a pain Tempul chhûnga rimtui a hâl ang kha chuan a ti ve lo. Mipuite erawh chu an sual ngaiin an sual reng mai a.

³Tempul hmâr lam kawngka hi Jothama siam a ni, khaw kulh bang pawh a siam ṭha tam khawp mai; ‘Ofel’ an tih hmun phei chu a chei nasa hle a ni.

⁴Judai ram chhûngah khuate a siam a, ngawah te kulh leh râlvênbûk te a siam thluah bawk a.

⁵Amon lal nên an inbei a; a tudawl a, tangkarua kg. sângthum leh zali, huit quintal sîngkhat, barli quintal sîngkhat, kum thum chhûng kum tin chhiah a chawitîr a.

⁶Jothama chuan LALPA, a Pathian thu a awih avângin a ropui ta hle a.

⁷Jothama lal laia thil thleng chanchin - an indo thute leh a thiltih dangte chu, ‘Israel leh Juda lalte chanchin’ ziakna bu-ah a chuang vek a ni.

⁸Jothama chu kum sawmhnih leh panga a nihin a lal ṭan a, Jerusalem-ah kum sâwm leh paruk a lal a.

⁹A thi a, Davida khawpuiah an phûm a, a fapa Ahaza chu a lo lal ta a.