Read Mizo Lushai Ezra 10 Bible Online

Ezra 10 - Mizo Lushai bible

Ezra 10

¹Chutia Ezra chu sual thupha chawia ṭap chunga Pathian hmaa bawkkhupa a ṭawngṭai laiin Israel mi tam tak, nu te, pa te leh naupang te a bulah chuan an lo pung khâwm a, an ṭap ve ta tlawk tlawk a.

²Elam chi zînga mi Jehiela fapa Sekania chuan Ezra hnênah, “Kan Pathian hawisanin hnam dang, he rama mi, nupuiah te kan lo nei ngei tak a; mahse, Israel-te zîngah chuan kan la insiam ṭha leh thei alâwm.

³Kan Pathian hmaah hêng kan nupuite leh kan fate hi hnawh chhuah i tiam tlat ang u. Nang leh kan Pathian thupêk awihho thu ang zêlin kan ti ang a, Pathian thu chu kan zâwm ang e.

⁴Tho teh, i kutah engkim kan dah e, i lamah kan ṭang zêl ang, intipaukhauh la, tih tûr tûr chu tifel mai rawh,” a ti a.

⁵Ezra chu a tho va, puithiamte, Levia chite leh Israel hotute chu chutianga ti ngei tûr chuan thu a tiamtîr a, an tiam ta a.

⁶Ezra chu Pathian in ata chu a chhuak a, Eliasiba fapa Jehohanana awmna pindanah chuan a kal a, saltâng chhuakho sualna avânga pawi tiin zânkhuain chaw a ei duh lo va, tui pawh a in duh lo.

⁷Hnam hruaitute chuan Jerusalem leh Judai rama awm, saltâng chhuak zawng zawng chu, Jerusalem-ah lo kal tûrin an chah khâwm a.

⁸“Ni thum chhûnga lo kal lo chu a neih zawng zawng chhuhsak a ni ang a, Israel mite zînga a tel ve phal a ni lo vang,” an ti a.

⁹Ni thum chhûng chuan an lo kal khâwm a, thla kuana ni sawmhnih ni chuan Juda leh Benjamina thlah rama awm zawng zawng chu Jerusalem-ah an lo kal a, Tempul tualah chuan an lo pung khâwm a. Ruah a sûr chiam a, an inkhâwmna chu a pawimawh si a, khaw vâwt avângin an khûr an khûr hlawm a.

¹⁰Puithiam Ezra chu a ding chhuak a, an hnênah, “In uire a, Israel-te suahsualna belhchhahin nupuiah hnam dang in nei a.

¹¹LALPA, in pate Pathian hnênah in sual thupha chawi ula, a duhzâwng ti rawh u; he rama mite lakah hian inthiarfihlîm ula, hnam dang mi in nupuite chu hnawt chhuak rawh u,” a ti a.

¹²Pungkhâwmho zawng zawng chuan ring takin an chhâng a, “I sawi ang chuan kan ti ang a.

¹³Hei, mi kan tam a, ruah lah a tam si, pâwnah kan ding reng hlei thei ta lo; thil tisual kan tam hle si a, ni hnih khat thila tihfel mai chi a ni chuang lo vang.

¹⁴Kan hotu ṭheuhte hi Jerusalem khuaah châmbâng sela, hnam dang nupui neite chu hun ruatah Jerusalem-ah lo kal sela; helaiah rorêltute leh hotute nên an chungchâng lo rêl rawh se; tichuan, he thil chungchânga kan chunga Pathian thinurna chu a reh dâwn nia,” an ti a.

¹⁵Chu thu chu Asahela fapa Jonathana te, Tikva fapa Jahzeia te chauhvin an hnial a. Levia chi Mesulama leh Sabethaia te pawhin an remti lo.

¹⁶Saltâng hawte chuan an thu rawt chu ṭha an ti a, puithiam Ezra chuan chi tin hotute zîng aṭangin mi a ruat a, an hmingte a ziak vek a.

¹⁷Thla sâwmna, ni khat ni chuan an thawk ṭan a, thla thum chhûngin hnam dang nupui nei zawng zawng chungchâng an chhût fel hman a.

¹⁸Puithiamho zînga hnam dang nupui lo neite chu hêngte hi an ni: Maaseia te, Eliazara te, Jariba te, Gedalia te hi; anniho hi Jehozadaka fa Jesua leh a unaute fa an ni.

¹⁹An nupuite chu mâk ngei an tiam a, an sual man thilhlanah berâmchal an hlân a.

²⁰Imera fate: Hanania te leh Zebadia.

²¹Harima fate: Maaseia te, Elija te, Semaia te, Jehiela te leh Uzia.

²²Pasura fate: Elioenaia te, Maaseia te, Ismaela te, Nathanela te, Jozabada te leh Elasa.

²³Levia thlah zînga hnam dang nupuia neite chu: Jozabada te, Simeia te, Kelaia te (Kelita an ti bawk), Pethahia te, Juda te leh Eleazara te an ni.

²⁴Hla satute zînga hnam dang nupuia neite chu: Eliasiba; Tempul pulis zîngah Saluma te, Telema te leh Uria.

²⁵Israel mi dang, hnam dang nupuia neite chu: Parosa thlahte zînga mi: Ramia te, Izia te, Malkija te, Mijamina te, Eleazara te, Malkija te leh Benaia.

²⁶Elama thlahte zînga mi: Matania te, Zekaria te, Jehiela te, Abdia te, Jeremota te leh Elija.

²⁷Zatua thlahte zînga mi: Elioenaia te, Eliasiba te, Matania te, Jeremota te, Zabada te leh Aziza.

²⁸Bebaia thlahte zînga mi: Jehohanana te, Hanania te, Zabaia te leh Athlaia.

²⁹Bania thlahte zînga mi: Mesulama te, Maluka te, Adaia te, Jasuba te, Seala te leh Jeremota.

³⁰Pahat-moaba thlahte zînga mi: Adna te, Kelala te, Benaia te, Maaseia te, Matania te, Bezalela te, Binuia te leh Manasea.

³¹Harima thlah zînga mi: Eliezara te, Isija te, Malkija te, Semaia te leh Simeona.

³²Benjamina te Maluka te leh Semaria.

³³Hasuma thlahte zînga mi: Matenaia te, Matata te, Zabada te, Elifeleta te, Jeremaia te, Manasea te leh Simeia.

³⁴Bania thlahte zînga mi: Maadaia te, Amrama te, Uela te,

³⁵Benaia te, Bedeia te, Keluhia te,

³⁶Vania te, Meremota te, Eliasiba te.

³⁷Matania te, Matenaia te, Jaasua te,

³⁸Bania te, Binuia te, Simeia te,

³⁹Selemia te, Nathana te, Adaia te,

⁴⁰Maknadebaia te, Sasaia te, Saraia te,

⁴¹Azarela te, Selemia te, Semaria te,

⁴²Saluma te, Amaria te leh Josefa.

⁴³Neboa thlahte zînga mi: Jeiela te, Matithia te, Zabada te, Zebina te, Jadaia te, Joela te leh Benaia.

⁴⁴Hêngho zawng hian nupuiah hnam dang an lo nei a, fapate pawh an lo nei hman tawh a ni.