Read Mizo Lushai Nehemia 10 Bible Online

Nehemia 10 - Mizo Lushai bible

Nehemia 10

¹Ramawptu Nehemia, Hakalia fapa chuan an thutiamah chuan hming a ziak hmasa ber a, Zedekian a ziak leh a. Hming ziaktu dangte chu hêngte hi an ni:

²Puithiamho zînga mi: Seraia, Azaria, Jeremia,

³Pasura, Amaria, Malkija,

⁴Hatusa, Sebania, Maluka,

⁵Harima, Meremota, Obadia,

⁶Daniela, Ginethona, Baruka,

⁷Mesulama, Abija, Mijamina,

⁸Maazia, Bilgaia leh Semaia.

⁹Levia chi zînga hêngho hian hming an ziak bawk: Azania fapa Jesua, Henadada fate zîngah Binuia leh Kadmiela,

¹⁰An unau Sebania, Hodia, Kelita, Pelaia, Hanana,

¹¹Mika, Rehoba, Hasabia,

¹²Zakura, Serebia, Sebania,

¹³Hodia, Bania leh Beninua.

¹⁴Mipui hruaitu, hming ziak vete chu hêngte hi an ni: Parosa, Pahat-Moaba, Elama, Zatua, Bania,

¹⁵Bunia, Azgada, Bebaia,

¹⁶Adonija, Bigvaia, Adina,

¹⁷Atera, Hezekia, Azura,

¹⁸Hodia, Hasuma, Bezaia,

¹⁹Harifa, Anathota, Nebaia,

²⁰Magpiasa, Mesulama, Hezira,

²¹Mesezabela, Zadoka, Jadua,

²²Pelatia, Hanana, Anaia,

²³Hosea, Hanania, Hasuba,

²⁴Halohesa, Pilha, Sobeka,

²⁵Rehuma, Hasabna, Maaseia,

²⁶Ahia, Hanana, Anana,

²⁷Maluka, Harima leh Baana.

²⁸Israel mi, puithiam te, Levia chi te, Tempul pulis te, zaipâwl te, Tempul enkawltu te leh mi dang, keiniho, Pathian Dân zâwm duhtute hian kan vêla awm hnam dangte laka inthiarfihlîma, chinchâng hre pha chin, kan nupui fanaute leh

²⁹min hruaitute nên hian Pathian Dân, a chhiahhlawh hmanga min pêk chu, zâwm tûrin chhia kan chham ta a ni. LALPA kan lal thupêk zawng zawngte chu kan awih ang a, a thuruatte kan ti ang a, awm dân tûr a tih ang ngeia awm kan tiam ta a ni.

³⁰Kan rama hnam dang awm vete nên kan inneih pawlh lo vang. Hnam dangin sabat ni-ah leh ni serh dangah buh emaw, thil dang emaw min rawn zawrh pawhin kan lei lo vang.

³¹Kum sarih kumin lo kan nei lo vang a, miin kan thil an bat zawng zawng kan ngaidam ang.

³²Kum tin, Tempula senso tûr tangkarua gram nga ṭheuh pêk kan tiam e.

³³Tempula rawngbâwlna tûr hêng pawh hi kan tum ang: Chhang serh, ni tina hâlral thilhlan tûr chhangphut, ni tina hâl ral tûr ran; sabat ni te, thla thar ni te, kût ni tea hâl ral tûr rante, Israel hnam pum sual thawina tûr ran te leh thil ṭûl apiang kan tum ang.

³⁴Dân bu-a sawi angin keini mipui te, puithiam te, Levia chi te hian LALPA, kan Pathian hnêna thilhlan hâlna tûr thing tumtu kum tin ṭhumvâwrin kan thlang ṭhîn ang.

³⁵Kum tin, kan buh seng hmasak ber leh kan theirah lawh hmasak berte chu Tempulah kan rawn hlân ṭhîn ang.

³⁶Fapa kan neih hmasak ber chu Tempula puithiam hnêna hruaiin, Dânin a phût angin Pathian tân kan hlân ang. Kan bâwngno hmasa ber te, kan berâm leh kêl no hrin hmasak ber te pawh LALPA hnênah kan hlân ang.

³⁷Tempula puithiam hnênah buh thar aṭanga kan chhang siam hmasak ber chu kum tin kan keng ang a, kan uain te, oliv hriak te leh thei dang rahte kan hlân bawk ang. Kan lova sâwma pakhat chu a chang tûra ruat Levia chite kan pe ang a,

³⁸sâwma pakhat lâk hunah Arona thlah puithiamte pawh pêk tûr an ni. Tempula dah tûrin Levia chite chuan an dawn apiang sâwma pakhat chu an pe ve ṭhîn tûr a ni.

³⁹Israel mite leh Levia chite chuan buh te, uain te, oliv hriak an pêkte chu Jerusalem Tempulah, bungbêl dahnaah an dah ṭhîn tûr a ni; Tempula rawngbâwl tûr puithiam te, Tempul pulis te leh Tempul zaipâwl te awm ṭhinnaah chuan. Pathian in chu kan thlahthlam hauh lo vang.