Read Mizo Lushai Nehemia 3 Bible Online

Nehemia 3 - Mizo Lushai bible

Nehemia 3

¹Hetiang hian Jerusalem khaw kulh bang chim chu siam leh a ni: Puithiam lalber Eliasiba leh a puitu puithiamte tum chu Berâm Kawngkhâr siam ṭhat a ni. An siam a, an hlân a, an vuah a, kulh bang pawh Hamea in sâng leh Hananela in sâng thleng ve vein an siam ṭha a, an hlân a.

²A dawt siam ṭhat chu Jeriko mite tum a ni. Chumi dawt chu Imria fa Zakura ho tum a ni.

³Hasena thlahten Sangha Kawngkhâr chu an siam a; a kawngka biangte an vuah a, a kalhnate leh a bahnate an siam a.

⁴A dawt chu Uria fa, Hakoza tupa Meremota hovin an siam a. Chumi dawt leh chu Berekia fa, Mesezebela tupa Mesulama hovin an siam a, a dawt chu Baana fapa Zadoka hovin an siam a.

⁵A dawt leh chu Tekoa khaw mite tum a ni; khaw milianho chuan hotute tuk ang chuan an thawk ve duh lo.

⁶Pasea fapa Joiada leh Besodeia fapa Mesulama hovin Jesana Kawngkhâr an siam a. A kawngkabiang te, a kawngkhâr te, a kalhna te leh a bahna te an vuah vek a.

⁷Gibeona mi Melatia te, Meronot mi Jadona te chuan Gibeon leh Mizpa khaw mite nên a dawt, Eufretis thlang lam ramawptu awmna zâwn thlengin an siam a.

⁸Rangkachak chher mi Harhaia fapa Uziela hovin a dawt leh chu an siam a. Chumi dawt chu bang chhah lai thlengin rimtui siam mi Hanania hovin an siam a.

⁹Jerusalem khua leh a chhehvêl ram zâtve hotu Hura fapa Refaia hovin a dawt chu an siam ṭha a.

¹⁰Chumi dawt leh chu Harumafa fapa Jedaia hovin ama in bul chu an siam a. A dawt leh chu Hasabneia fapa Hatusa hovin an siam a.

¹¹Harima fapa Malkija leh Pahat-moaba fapa Hasuba te chuan a dawt chu Meichhehna In sâng an tih nên chuan an siam a.

¹²Jerusalem leh a chhehvêl ram zâtve hotu Halohesa fapa Saluma hovin a dawt leh chu an siam a, a fanute pawhin an thawk ve.

¹³Ruam kalna kawngkhâr chu Hanuna leh Zanoa khaw miten an siam a. A kawngka te, a biang te, a kalhna te, a bahna te an vuah vek a; kulh bang pawh Bawlhhlawh Kawngkhâr thlengin tawng sângkhata sei an siam bawk.

¹⁴Rekaba fapa Malkija, Hakerem bial hotu chuan Bawlhhlawh Kawngkhâr chu a siam a. Kawngkhâr chu a vuah a, a kalhnate leh a bahnate pawh a siam vek a.

¹⁵Kolhozea fapa Saluma, Mizpa bial hotu chuan Tuikhur Kawngka chu a siam a. Kawngka luchung bang pawh a rem a, a kawngkhâr chu a kalhnate leh a bahnate nên a vuah a, Lal huan bula Sela dîl zâwn bang chu Davida khaw panna kailâwn awmna thlengin a siam a.

¹⁶Azbuka fapa Nehemia, Beth-zur bial zâtve awptu chuan a dawt leh chu Davida thlân te, tuikhuah te leh sipai bûk thleng chuan a siam a.

¹⁷Hêng Levia chite hian a dawt, ṭhen tam fe chu an siam a ni. Bania fapa Rehuma hovin a dawt chu an siam a. Hasabia, Keila bial zâtve awptu chuan a bial hmingin a dawt chu a siam a.

¹⁸Henadada fapa Bavaia, Keila bial zâtve awptu chuan a dawt chu a siam a.

¹⁹Jesua fapa Ezera, Mizpa bial hotu chuan râlthuam dahna zâwn chu kulh bang kawi ṭanna thlengin a siam a.

²⁰Zabaia fapa Baruka hovin phûr takin a dawt chu Puithiam lalber Eliasiba awmna thlengin an siam a.

²¹Uria fa, Hakoza tupa Meremota hovin a dawt chu Puithiam lalber Eliasiba in tâwp zâwn thlengin an siam a.

²²Hêng puithiamho hian a dawt leh, ṭhen tam fe chu an siam ṭha a ni. Jerusalem khaw chhehvêla puithiam awmho chuan a dawt chu an siam a.

²³Benjamina leh Hasuba chuan a dawt bang, an in zâwn chu an siam a. Maaseia fapa, Amazia tupa Azaria chuan a dawt, ama in zâwn chu a siam a.

²⁴Henadada fapa, Binuia hovin a dawt, Azaria in zâwn aṭanga kulh bang kawina thlengin an siam a.

²⁵Uzia fapa Palala hovin bang kawina aṭang chuan vêngtuho awmna, lal in chungnung zâwk bul thlengin an siam a.

²⁶Parosa fapa Pedaia hovin a dawt khawchhak lam chu Tuikhur Kawngka, Tempul bula in sâng awmna thlengin an siam a. He lai vêl hi Tempul enkawltu Netin-ho awmna a ni, a hmingah ‘ofel’ an vuah.

²⁷Tekoa khaw mite chuan an chan hnihna, a dawt chu an siam a; Tempul bula In sâng leh Ofel mual tâwp inkâr chu an siam a ni.

²⁸Mi ṭhenkhat, kulh bang bula in neite chuan, a dawt leh, anmahni in zâwn ṭheuh, Sakawr Kawngka aṭanga hmâr lam chu an siam a.

²⁹Imera fapa Zadoka chuan a dawt, a in zâwn chu a siam a. Chumi dawt chu Sekania fapa Semaia, khawchhak kawngka vêngtu chuan a siam a.

³⁰Selemia fapa Hanania leh Zalafa fapa parukna Hanuna te chuan a dawt, an chan hnihna chu an siam a. Berekia fapa Mesulama chuan a dawt, ama in zâwn chu a siam a.

³¹Rangkachak chher mi Malkija chuan, a dawt leh chu Tempul enkawltute leh sumdâwngho riahna in, Hamifkad an tih kawngka bul, hmârchhak bang kil thlengin a siam a.

³²A kil aṭanga Berâm Kawngka thleng chuan rangkachak chhertu leh sumdâwngte chuan an siam a.