Read Mizo Lushai Exodus 11 Bible Online

Exodus 11 - Mizo Lushai bible

Exodus 11

¹ LALPA chuan Mosia hnênah, “Farawa leh Aigupta ram chu ṭum khat dang ka khawih leh ang a, a chhuah tawh ang che u. A chhuah vêk vêk che u chuan a hnawhin a ni a hnawh chhuah dâwn che u ni.

²Chuvângin, mipui hnênah rangkachak leh tangkaraw thawmhnaw an ṭhenawmte ta, a hawh man pe lovin dîl rawh se,” a ti a.

³Israel mite chu LALPA chuan Aigupta-ho chu a duhsaktîr a. Mosia chu Aigupta ram mi lâr tak a ni a, Farawa hote leh a mite chuan an ngaisâng êm êm a ni.

⁴Tin, Mosia chuan Farawa hnênah “LALPA chuan heti hian a ti; ‘Aigupta ram chu zanlaiah ka fang dâwn.

⁵Aigupta mite fa tîr, Farawa fa tîr, lalṭhutthlênga ṭhu aṭanga bawihnu, buh râwtsawmtu fa tîr thlengin, an ran fa tîrte nên lam an thi vek ang.

⁶Chumi zân chuan Aigupta ram pumah an ṭap chuah chuah ang a, chutianga nasa chu a awm ngai lo va, a awm leh tawh ngai hek lo vang.

⁷Israel fate erawh chu tu mah, an rante lamin ui pawhin a bauh lo vang. LALPA chuan Aigupta mite leh Israel fate chu a ngai danglam ngei a lo ni tih in hria ang,’ a ti a.

⁸I hote ka hnênah an lo kal ang a, ka hmaah an rawn kûn ang; ka mite chu hruaia kal bo daih tûrin min rawn ngên ang. Chumi hun chuan ka mite chu ka chhuahpui ang,” a ti a. Thinur takin Farawa chu a chhuahsan ta a.

⁹ LALPA chuan Mosia hnênah, “Farawa chuan in thu a ngaithla chuang dâwn lo, Aigupta ramah thil mak tih belh a ngai dâwn a nih hi,” a ti a.

¹⁰Mosia leh Arona chuan chûng thil mak chu Farawa hmuh tûrin an ti a. LALPA chuan Farawa chu a tiluhlul a, a ram ata Israel fate chu a chhuah duh lo.