Read Mizo Lushai Joba 26 Bible Online

Joba 26 - Mizo Lushai bible

Joba 26

¹Tichuan, Joba chuan a chhâng a:

²Mi chak lo i han ṭanpui dân leh Bân tha chak lo i han chhân dân chu le!

³Mi mâwl i han zilh fing a, Thu ril tak tak i va han sawi tam ve!

⁴Tu thlarau nge i chana Tu nge maw i han hrilh vei le?

⁵Mitthi thlaraute chu lei hnuaiah an khûr a, Chuta chêngte nên chuan.

⁶Mitthi khua chu Pathianin a hmu vek a, Chhiatna hmun chuan hliahtu a nei lo.

⁷Hmâr lamah vân a pharh a, Engmahlovah lei chu a khai kâng a.

⁸A chhûm chhah tak chuan ruahtuite a fûn khâwm a, A tui paite avângin chhûmte chu a ṭet chuang lo.

⁹A lalṭhutthlêng chu chhûmin a khuh a. A vêlin a zîng mup mai.

¹⁰Thim leh êng inrina atân Tui chungah kâwlkil a siam a.

¹¹Vân dona bante chu a nghîng dur dur a, A zilhhauna chu mak an ti a.

¹²A thiltihtheihnain tuifinriat a thunun a, Thiam takin Rahab a tan chhum a.

¹³A thawin vân chu a tithiang a, A kutin rûlpui tlânchhia a that.

¹⁴Ngai teh, hêng hi a thiltih hmatheh mai a la ni, A chanchin kan hriat hi a va beitham êm, A thiltihtheihna thâwm ri chu tu nge hre zo thei ang?