Read Mizo Lushai Joba 32 Bible Online

Joba 32 - Mizo Lushai bible

Joba 32

¹Tichuan, Joba chu ṭha a intih êm avângin a ṭhian pathumte chuan an chhâng mai ta lo va.

²Elihua, Barakela fapa, Buz mi, Rama thlahte zînga mi chu Joba chungah a thinur ta êm êm a, Pathian aia ṭhaah a inngaih avângin.

³Joba ṭhian pathumte chungah pawh a thinur bawk, Joba chu thiam lo ti chunga chhân ngaihna an hriat loh avângin.

⁴Anni chu aia upa an nih avângin Elihua chuan Joba hnêna thu sawi ve hun chu a lo nghâk reng a ni.

⁵Tichuan, hêng mi pathumte hian chhân ngaihna rêng an hre lo tih a hriatin Elihua chu a thinrim ta hle a.

⁶Barakela fapa, Elihua, Buz mi chuan heti hian a chhâng ve ta a: “Ka naupang a, nangni in upa a, chuvâng chuan ka zak a, Ka hriat pawh in kiangah ka sawi ve ngam lo va.

⁷Upate ṭawng sela, Rual ûten thu sawi teh se,” ka ti a.

⁸A ni, mihringa thlarau awm, Engkimtitheia thaw chu finna petu a lo ni.

⁹Kum tam apiang an fing chuang lo, Upa apiangin an hre fuh chuang hek lo.

¹⁰Chuvângin, mi ngaithla ula Ka ngaih dân ka han sawi ve ang e.

¹¹Ngai teh u, in thu ka nghâk reng a, Sawi tûr in dap chhûng khân In ṭan dânah beng ka lo chhi reng asin.

¹²Ngun takin in thu ka ngaithla a, in zînga tu mahin Joba dik lohna in lailang thei lo va, Tu man a thu in letthla thei hek lo.

¹³“Mihring hneh theih loh, Pathian chauh hneh theih Mi fing kan tawng ta,” in ti reu reu ang e.

¹⁴Kan la intawng lo va, Nangni ang mai chuan ka chhâng ve dâwn lo.

¹⁵An dang reng a, chhân ngaihna an hre tawh lo va, Kam khat mah sawi tûr an nei ta lo.

¹⁶Tûnah an ngawi reng a, sawi tûr dang rêng an hre lo va, An din reng avângin ka nghâk reng mai dâwn em ni le?

¹⁷Keimah ngeiin ka han chhâng ve ang a, Ka ngaih dân ka han sawi ve teh ang.

¹⁸Sawi tûrin ka khat tlat a, Ka chhûngrilah mi tur ut ut a.

¹⁹Uain hu chhuahna nei lo ang ka ni, Uain thar peng angin ka puak keh ṭêp a ni.

²⁰Ka sawi ve phawt loh chuan ka hah a dam lo vang, Ka kâ ka âng a, ka han chhâng ve teh ang.

²¹Ṭan bîk neih ka tum lo va, tu mah fak der ka tum hek lo.

²²Fak der ka thiam lo va, chutiang chu ti ila, Mi siamtuin min la bo thuai mai ang.