Read Mizo Lushai Joba 35 Bible Online

Joba 35 - Mizo Lushai bible

Joba 35

¹Elihua chuan a sawi zêl a,

²“Pathian hmaah mi dik ka ni,” i ti hi A âwm i ti em?

³“Thil sual ka ti emaw, ti lo emaw I tân eng nge pawi ang a, Ka tân eng nge hlâwkna awm ang?” i ti elo?

⁴Ka han chhâng teh ang che, Nang leh i ṭhiante nên.

⁵Vân lam khi en teh, chhûmte khi thlîr la, Nang aia a sân zâwk khi.

⁶Thil i tihsual pawhin i tân eng nge pawi? I bawhchhiatna a tam pawhin eng nge a pawina?

⁷I dik pawhin eng nge i tân a ṭangkaina? I kut aṭangin eng nge a dawn?

⁸I sualna chuan mihring chauh a ni a khawih, I ṭhatna pawh mihring tân mai a ni.

⁹Tihduhdahna a nasat chuan mi an rûm a, Mi thiltitheite laka chhan chhuah an ngên.

¹⁰Mahse, tu man, “Min siamtu Pathian chu khawiah nge, Zâna hla min saktîrtu chu,

¹¹Leia ramsate aia hriatna thûk zâwk min petu, Chunglêng savate aia finga min siamtu chu?” an ti ngai lo.

¹²Chuvâng alâwm, miten Pathian chu au mah se a chhân loh, Mi sualte chapona avâng chuan,

¹³“Pathianin dîlna a chhâng lo, Engkimtitheian a ngaihsak hek lo,” Tih hi a va ho tak êm!

¹⁴“Ani chu ka hmu thei lo,” i ti na a, Nghâk fan fan rawh, I chungthu chu ngaihtuah tûrin a hmaah a awm e.

¹⁵Tûnah, thinrimin a rawn hrem mai loh avâng leh, Sualna a rawn ngaimawh mai loh avângin

¹⁶Joba hian a kâ a âng mai mai a, Eng mah hre lovin a ṭawng mai mai a nih hi.