Read Mizo Lushai Sam 101 Bible Online

Sam 101 - Mizo Lushai bible

Sam 101

¹Ngilneihna leh rorêl dik thu, hlain ka sa dâwn e, Aw LALPA, i hnênah ka hril dâwn a ni.

²Fîmkhur takin kawng dik chu ka zawh ṭhîn a, Engtikah nge i lo lên ang? Thinlung dik tak puin ka khawsa ṭhîn a ni.

³Ka inah chuan thil sual ka ngaithei lo va, Hnungtawlh chîngte chu ka huatzâwng tak an ni, Mi kawp thei bawk hek lo.

⁴Mi rilru kawite chuan min hlat ṭhîn a, Thil sual eng mah ka ti duh lo.

⁵A rûka ṭhiante rêl chîng chu ka ngawihsan a, Chapo leh inngaisângte ka ngaithei lo.

⁶Ram chhûnga mi rinawmte ka duhsak a, Ka bulah chuan ka awmtîr a, Rinawm taka thil ti ṭhînte chu ka rawngbâwltuah ka hmang.

⁷Bum chîngte ka in chhûnga an awm ka phal lo va, Dâwt sawi chîng pawh ka hmuh phâka an awm ka phal hek lo.

⁸Tûk tinin mi sualte chu kan ram ata ka ûm bo va, LALPA khua ata hi thil sual tih chîngte pawh ka hnawt chhuak ṭhîn.