Read Mizo Lushai Sam 11 Bible Online

Sam 11 - Mizo Lushai bible

Sam 11

¹ LALPA chu him nân ka bêl ta a, Engtizia nge ka hnênah hetianga in tih ni: “Sava angin tlâng lamah khian thlâwk bo mai rawh.

²En teh, mi sualte chuan an thalngul an kuai a, A hruiah chuan thal an vuah a, Thim aṭangin mi ngîlte chu kah an tum hi;

³An innghahna lungphûmte pawh a chhiat tawh si chuan, Mi dikte chuan eng nge an tih theih tâk ang?” min tih ni?

⁴ LALPA chu a Tempul thianghlimah a awm a, LALPA lalṭhutthlêng chu vânah a awm; A rawn thlîr a, Mihring fate hi a rawn en thlithlai ṭhîn.

⁵ LALPAN mi felte chu a fiah ṭhîn a, Mi suaksualte leh nunrâwngte erawh chu a hua.

⁶Mi suaksualte chungah chuan mei leh kât a sûrtîr a, Thli lum takin a hrem a, Chûng chu an chanpuala ruat a ni.

⁷ LALPA chu a dik a, dikna a ngaina a, Mi ngîlte chu a bulah chuan an chêng reng ang.