Read Mizo Lushai Sam 110 Bible Online

Sam 110 - Mizo Lushai bible

Sam 110

¹ LALPA thuchhuak chuan ka LALPA hnênah, ‘Ka ding lamah lo ṭhu rawh, I hmêlmate i ke nghahchhanah ka han siam ang e,’ a ti.

²I laltiang chu LALPAN Zion aṭangin a tîr chhuak a, I hmêlmate chungah ro rêl rawh le.

³Hmêlma i beih ni chuan I tlangvâlte an rawn inpe tup tup ang, I tlâng thianghlimah chuan Zîngah dai tla angin an lo kal khâwm bawk ang.

⁴ LALPAN thu a tiam ta, a sût lo vang, ‘Chatuan Puithiam i ni, Melkisedeka ang chi kha.’

⁵ LALPA chu i ding lamah a awm a, A thin a ur hunah lalte a titlâwm ang.

⁶Hnam tinrêng chungah ro a rêl ang a, An ruangte chu a vûm thûr ang.

⁷Kalkawng lui tui chu a in ang a, a lo harh thar leh ang.