Read Mizo Lushai Sam 111 Bible Online

Sam 111 - Mizo Lushai bible

Sam 111

¹ LALPA, chu fak rawh u. Mi dikte pung khâwm zîngah chuan, Theihtâwp chhuahin LALPA chu lâwmthu ka hrilh dâwn e.

² LALPA thiltihte chu a ropui êm êm a, A lâwmtute chuan hriat nuam an ti.

³A thiltih chu a makin a zahawm a, A dikzia pawh a pangngai reng a ni.

⁴A thil mak tih kan theihnghilh mai a phal lo va, LALPA chu khawngaihna leh lainatnaa khat a ni.

⁵Amah ṭihtute chu ei tûr a pe ṭhîn a, A thuthlung chu eng lai mahin a theihnghilh lo.

⁶A thiltihtheihzia chu a mite hnênah a lantîr a, Hnam dangte ram chu an hnênah a pe.

⁷A thiltih chu a rinawmin a dik a, A thupêk pawh a rin tlâk zêl a ni.

⁸Chûng chu kumkhua atâna ruat a ni a, Rinawm tak leh ṭha taka zawm tûr a ni.

⁹A mite chu a rawn chhandam ta a, A thuthlung chu kumkhuaa zawm tûrin thu a pe. A hming chu a thianghlimin a hlauhawm e.

¹⁰ LALPA ṭih hi finna bulpui a lo ni, A thu zâwmtute chu Hriatthiamna ṭha tak a pe. Amah chu kumkhuaa fak tûr a ni.