Read Mizo Lushai Sam 112 Bible Online

Sam 112 - Mizo Lushai bible

Sam 112

¹ LALPA chu fak rawh u, LALPA ṭihtute chu an nihlawh e, A thupêk ngaisâng êm êmtute chu.

²An fate chu leiah hian mi ropui an ni ang, Mi nun ngîl thlahte chu malsâwmin an awm ang.

³An chhûngkuain an hausa hle ang a, Mi dik tak chhûng an ni reng ang.

⁴Mi nun ngîlte tân thimah khua a vâr ang, Khawngaihna leh ngilneihna nei, mi dik takte tân chuan.

⁵Mi ṭha chu a ngilnei a, phal takin a pûktîr ṭhîn a, Engkim dik takin a ti ṭhîn.

⁶Mi ṭha chu eng lai mahin a nghîng lo vang a, Hriat reng a ni bawk ang.

⁷Chanchin ṭha lo hre mah sela, a hlau lo vang. LALPA a ring a, a nghet tlat mai.

⁸A rilru a nghet a, a zâm lo va, A hmêlmate tlâwm chu a la hmu ang.

⁹A sem darh a, tlachhamte a pe a, A ngilneihna chu kumkhuain a pangngai reng a ni, Ropui taka chawimawi a ni bawk ang.

¹⁰Mi sualten an hmuh chuan an thinur ang, An ha an ṭhial ang a, an boral ang, Mi sualte tân beisei a bo hlauh vang.