Read Mizo Lushai Sam 113 Bible Online

Sam 113 - Mizo Lushai bible

Sam 113

¹ LALPA chu fak rawh u, Aw LALPA chhiahhlawhte u, fak ula, LALPA hming chu chawimawi rawh u,

² LALPA hming chu fakin awm rawh se, Tûn aṭanga chatuan thlengin.

³Ni chhuahna aṭanga a tlâkna thlengin, LALPA hming chu chawimawi ni zêl rawh se.

⁴ LALPA chu hnam tinrêngte aia chungnung daih a ni, A ropuina chu vân chungah khian a awm.

⁵Hmunsâng taka awm, LALPA kan Pathian ang hi tu nge awm?

⁶Lei leh vân en tûrin a intihniam a,

⁷Vaivut ata retheite chu a kai tho va, Vut zînga ṭhu pachhiate chu a tungding ṭhîn.

⁸Miliante zîngah chuan a ṭhuttîr a, A ni, miliante zîngah chuan,

⁹Nu chingte chu chhûngkua a dinsak a, Fate neihtîrin a tihlim ṭhîn. LALPA chu fak rawh u.