Read Mizo Lushai Sam 121 Bible Online

Sam 121 - Mizo Lushai bible

Sam 121

¹Tlâng lamahte khian ka mit ka lên chho vang, Khawi aṭangin nge ṭanpuina ka hmuh ang?

²Min ṭanpuina chu LALPA, Lei leh vân Siamtu hnên aṭangin a lo thleng ang.

³Ani chuan i tlûk a phal lo vang a, Nangmah vêngtu chu a muhîl ngai lo ve.

⁴Ngai teh, Israel-ho vêngtu chu, A muhîl ngai lo va, a muthlu ngai hek lo.

⁵ LALPAN a vêng che a, LALPAN a hliahkhuh zêl ang che.

⁶Chhûnah ni sa i tuar lo vang a, Zânah thlain a em â hek lo vang che.

⁷Thil ṭha lo tinrêng lakah LALPAN a vêng ang che a, A hum tlat dâwn a che.

⁸ LALPA chuan i chhuak leh lût a vêng ang che, Tûn aṭanga kumkhuain.