Read Mizo Lushai Sam 124 Bible Online

Sam 124 - Mizo Lushai bible

Sam 124

¹“LALPA chu kan lama ṭang ni suh sela chuan,

²Miten min beih lai khân Kan lama ṭang chu LALPA ni suh sela,

³Kan chunga an thinur a sosân laite khân, A nung chungin min dawlh tawh ang.

⁴Tui lianin min lain Lui lian chuan min chîm pil tawh ang,

⁵Tui lian so bulh bulh chuan Min vûr pil tawh ngei ang,” Israel-te chuan ti ngei rawh se.

⁶ LALPA i fak ang u, Hmêlmaten min sehsawm a phal lo va,

⁷Thangkamtu thang ata sava angin min chhuah ta, Thang chu a tichhia a, keini kan chhuak ta a ni.

⁸Lei leh vân Siamtu LALPA chuan, A hming avângin min rawn pui ta.