Read Mizo Lushai Sam 126 Bible Online

Sam 126 - Mizo Lushai bible

Sam 126

¹ LALPAN Zion-a min hruai kîr leh lai khân, mumang emaw kan ti.

²Kan nui hawm hawm a, Hlimin kan au chêl chûl bawk a. ‘LALPAN an tân thil ropui tak a tihsak a nih hi,’ Hnam dangte chuan an ti.

³ LALPAN thil ropui tak min tihsak a, Kan hlim êm êm a ni.

⁴ LALPAN sala kan tâng min hruai kîr leh ta a, Thlalêra lui tui a luang leh ta ang hian.

⁵Mittui tla chunga tuhtute chuan Hlim takin an seng a,

⁶Ṭap chungin buh chi feh chhuahpui mah sela, An buhphalte kengin hlim takin an lo haw leh ang.