Read Mizo Lushai Sam 127 Bible Online

Sam 127 - Mizo Lushai bible

Sam 127

¹ LALPAN in a sak loh chuan, A satute an hah thlâwn mai a ni. LALPAN khawpui a vên loh chuan, A vêngtute an meng thlâwn mai a ni.

²Ei tûr zawnga zîng tak taka thawha, Tlai tak taka mut hi a hahthlâk thlâwn a ni. LALPAN a hmangaihte chu Malsâwmna a pe mai ṭhîn a ni.

³Fanaute hi LALPA hnên ata kan rochan an ni a, Rîla rahte hi kan lâwmman dawn a ni.

⁴Kan vânglai fate chu indo mite thal ang hi an ni.

⁵Thal bâwm chutianga khat nei chu an nihlawh e, Kulh kawngkaa hmêlma an tawn hunah An mualpho hauh lo vang.