Read Mizo Lushai Sam 129 Bible Online

Sam 129 - Mizo Lushai bible

Sam 129

¹‘Ka naupan lai ata miten min va tiduhdah ṭhîn tak êm!’ Israel-hovin ti rawh se.

²‘Ka naupan lai ata miten min va tiduhdah ṭhîn tak êm! Mahse, tu man min titlâwm thei si lo.

³Leilettuin lei a rîn thlûr angin, Ka hnungzâng hi an rîn thlûr seng sung mai.

⁴ LALPA chu a dik a, Mi sualte hruihrual chu mi zai chahsak ta e,’ Israel-ten ti ngei rawh se.

⁵Zion hawtu zawng zawngte chu Mualphovin, tlânchhe haw daih rawh se.

⁶A ṭhan sân hmaa vuai mai ṭhîn, In chung zâwla hlobet ang hi ni vek rawh se.

⁷Tu man chu chu an la khâwm ngai lo va, Seng tûr pawhin an têl hek lo.

⁸A bul hnaia kalte pawhin, ‘LALPAN malsâwm che u rawh se, LALPA hmingin mal kan sâwm a che u,’ An ti ngai bawk hek lo.