Read Mizo Lushai Sam 13 Bible Online

Sam 13 - Mizo Lushai bible

Sam 13

¹Aw LALPA, eng chen nge min thlahthlam anga, Ka lakah hian i hmêl i thup reng dâwn?

²Eng chen nge ka inngaihtuah buai anga, A chhûn a zâna mangang rêng rênga ka awm anga, Ka hmêlmate hi ka chungah hian an inlulin dâwn le?

³Aw LALPA, ka Pathian, min han en la, min chhâng ang che, Ka mit han tivâr la; chutilo chuan, ka tlu hlum dah ang e.

⁴Ka hmêlma chuan, “Ka hneh ta,” min ti suh se, Ka chan chhiat avângin min dotute lâwm hek suh se.

⁵Kei zawng i ngilneihnaah hian ka innghat a, Min chhandam dâwn vângin ka lâwm a ni.

⁶ LALPA chu fakin ka zai ang, Ka chunga a ṭhat êm avângin.