Read Mizo Lushai Sam 130 Bible Online

Sam 130 - Mizo Lushai bible

Sam 130

¹Manganna khur thûk tak aṭangin, LALPA, ka au va che, LALPA, ka aw hi ngaithla teh.

²Khawngaih ka dîlna hi, Min ngaihthlâksak ang che.

³ LALPA, sualnate i chhinchhiah zêl chuan, LALPA, tu nge thiam chang zo vang?

⁴Nang chuan sual i ngaidam ṭhîn a; Tichuan, miten an zah ṭhîn che a ni.

⁵ LALPA chu ka nghâk ṭhîn, A ni, ka nghâk reng ṭhîn a ni. A thu pawh ka ring a ni.

⁶Râlvêngtuten khawvâr an nghahhlelh aia nasain, A ni, râlvêngtuten khawvâr an nghahhlelh aia nasa mahin, Nghâkhlel takin LALPA ka thlîr a ni.

⁷Israel-te u, LALPA hi ring rawh u, LALPA chu ngilnei tak a ni a, Chhandam a peih reng bawk.

⁸An bawhchhiatna zawng zawng ata, Israel-te a chhan chhuak ang.