Read Mizo Lushai Sam 136 Bible Online

Sam 136 - Mizo Lushai bible

Sam 136

¹A ṭhat avângin LALPA chu lâwmthu hrilh rawh u, Ngil a nei kumkhua si a.

²Pathiante Pathian chu lâwmthu hrilh rawh u, Ngil a nei kumkhua si a.

³Lalte lal chu lâwmthu hrilh rawh u, Ngil a nei kumkhua si a.

⁴Mahni chauhva thil mak ropui tak titu chuan, Ngil a nei kumkhua si a.

⁵A finnaa vân siamtu chuan, Ngil a nei kumkhua si a.

⁶Tui chunga lei dah duaitu chuan, Ngil a nei kumkhua si a.

⁷Êng lian pui puite siamtu chuan, Ngil a nei kumkhua si a.

⁸Ni khi chhûna êng tûra siamtu chuan, Ngil a nei kumkhua si a.

⁹Thla leh arsite zâna êng tûra siamtu chuan, Ngil a nei kumkhua si a.

¹⁰Aigupta mite fa tîr thattu chuan, Ngil a nei kumkhua si a.

¹¹Chuta ṭanga Israel fate hruai chhuaktu chuan, Ngil a nei kumkhua si a.

¹²Bân phar meuhva a kut lektu chuan, Ngil a nei kumkhua si a.

¹³Tuipui Sen pawh tiṭhentu chuan, Ngil a nei kumkhua si a.

¹⁴Israel-te hruaikaitu chuan, Ngil a nei kumkhua si a.

¹⁵Tuipui Sena Farawa leh a sipaite tihlumtu khân, Ngil a nei kumkhua si a.

¹⁶A mite thlalêra hruaitu khân, Ngil a nei kumkhua si a.

¹⁷Lal tam tak thattu khân, Ngil a nei kumkhua si a.

¹⁸Lal hmingthang tak takte thattu khân, Ngil a nei kumkhua si a.

¹⁹Amor lal Sihona thattu khân, Ngil a nei kumkhua si a.

²⁰Basan lal Oga thattu khân, Ngil a nei kumkhua si a.

²¹An ram, a mite petu khân, Ngil a nei kumkhua si a.

²²A chhiahhlawh Israel-te hnêna rochana petu khân, Ngil a nei kumkhua si a.

²³Kan baihvai laia min hruaitu khân, Ngil a nei kumkhua si a.

²⁴Kan hmêlmate laka min chhantu khân, Ngil a nei kumkhua si a.

²⁵Thil nung tinrêng hnêna ei tûr pe ṭhîntu khân, Ngil a nei kumkhua si a.

²⁶Vâna Pathian chu lâwmthu hrilh rawh u, Ngil a nei kumkhua si a.