Read Mizo Lushai Sam 137 Bible Online

Sam 137 - Mizo Lushai bible

Sam 137

¹Babulon lui kamahte kan ṭhu a, Zion ngaiin kan ṭap ṭhîn.

²A kam tuipuisuthlahahte chuan Kan ṭingṭangte kan bâng ṭhîn a.

³Tah chuan sala min mantuten Hla sa tûrin min phût a, Min tiretheituten hlima hla sa tûrin min ti, ‘Zion hla min saksak ta che u,’ tiin.

⁴Engtin nge mi ramahte chuan LALPA tân hla kan sak theih ang?

⁵Aw Jerusalem, ka theihnghilh che chuan, Ka kut ding lam hian a thil thiamte theihnghilh rawh se.

⁶Aw Jerusalem, ka hriat reng loh che-a, Ka hlimna ber aia ka thlan zâwk loh che chuan, Ka lei pawh hi ka dangah hian bet tlat rawh se.

⁷Jerusalem a chhiat nia, Edom miten, ‘Tichim rawh u, tichim rawh u, A lungphûm chenin tichhe rawh u,’ an tih kha, Aw LALPA, a chhe lamin hre reng ang che.

⁸Aw nang Babulon, mi dang tichhe ṭhîntu, Ka chunga i tih ang taka thungrûltu che chu A va hlim dâwn êm!

⁹I fa sênte chhuhsaka, lungpui vuak nâna hmangtu chu A va hlim dâwn êm!