Read Mizo Lushai Sam 143 Bible Online

Sam 143 - Mizo Lushai bible

Sam 143

¹ LALPA, ka ṭawngṭaina hi lo ngaithla la, I rinawm êm avângin khawngaih ka dîlnaah I beng lo chhi ang che. I dik êm avângin min chhâng ang che.

²I chhiahhlawh chungah hian rorêl mai suh, I hmaah tu mah thiam chang thei an awm lo.

³Ka hmêlmaten min ûm ṭhîn a, Thi chhâwngin leiah min theh thlu a, Hmânlaia thi tawhte angin Hmun thimah chuan min awmtîr hi.

⁴Ka bei a dawng êm êm a, Ka mangang tâwp a ni.

⁵Hun kal tate ka thlîr kîr a, I thil tih zawng zawngte ka ngaihtuah a, I hna thawhte ka chhûtin

⁶I lam hawiin ka bân ka phar tâk hi, Lei ro, tui châk angin ka ngai a che.

⁷ LALPA, min chhâng thuai teh, Ka chau chhe mai dâwn e; Ka lakah hian i hmêl thukru suh la, Leilâwta tlate ang ka ni hlauh dah ang e.

⁸I ngilneihzia tûk tin min hmuhtîr ṭhîn la, Ka rinchhan ber nang i ni si a, I hnênah ka rawn ṭawngṭai hi, Ka kalna tûr min kawhhmuh rawh.

⁹ LALPA, ka hmêlmate kut ata hi min chhan chhuak la, Him nân ka rawn pan che.

¹⁰I duhzâwng tih min zirtîr rawh, Ka Pathian i ni si. Dawh thei takin kawng dikah chuan i Thlarauvin min hruai ang che,

¹¹I hming avângin, LALPA, min chhandam la, I ṭhatna avângin ka manganna ata min chhan chhuak ang che.

¹²Ka chunga i ngilneihna avângin ka hmêlmate tiboral la, Min beitu zawng zawngte tichhia ang che, I chhiahhlawh ka ni si a.