Read Mizo Lushai Sam 16 Bible Online

Sam 16 - Mizo Lushai bible

Sam 16

¹Aw Pathian, i hnênah ka lo tlulût ta a, Min lo hum rawh.

² LALPA hnênah, ‘Ka LALPA chu i ni, Nang chauh hi ka tân i ṭha,’ ka ti a.

³Leia mi thianghlim awmte chu ropui ka ti a, ka duhzâwng tak an ni.

⁴Pathian dang thlangtute chuan An thil tuar tûr an tipung lek a ni. In tûr thil hlana, thisen an hlannaah ka tel lo vang a, An pathian hming ka lam ve hek lo vang.

⁵ LALPAN ka chanpual tûr, ka no mi ruatsak a, Nang hi i ni ka awm dân tûr mi rêlsaktu chu.

⁶Ram ṭha min rochuntîr a, a ri min khamsak a, Ka chan tûr chu a duhawm hle a ni.

⁷Rem mi ruatsaktu LALPA chu ka fak ang a, Zânahte pawh aman min zirtîr ṭhîn.

⁸Ka hmaah hian LALPA a awm fo va, Ka ding lamah a awm ṭhîn a, ka nghîng lo vang.

⁹Chuvâng tak chuan, thinlung lâwmin ka hlim ta êm êm a, Ka taksa pawh thlamuang takin a awm hle hle tawh ang.

¹⁰Ka thlarau hi Seol-ah chuan i hnutchhiah lo vang a, I tâna inserh hi a ṭawih rala hmuh i phal hek lâwng.

¹¹Nunna kawng chu mi kawhhmuh a, Hlimna kim chu i bula awm a ni, I ding lamah chatuan nawmna a awm bawk si a.