Read Mizo Lushai Sam 19 Bible Online

Sam 19 - Mizo Lushai bible

Sam 19

¹Vânte khian Pathian ropuizia an tilang a, Vân dumah khian a themthiamzia a lang.

²Chhûn hian chhûn hnênah thu a hlân chhâwng a, Zân pawhin zân hnênah hriat tûr a puang chhâwng ṭhîn.

³Thu rêng an sawi lo va, an ṭawng ri bawk hek lo va, An aw te chu hriat tûr a awm hek lo.

⁴Mahse, an aw chuan lei a fang chhuak a. An thu chu kâwlkil thlengin a thang chhuak ta. Tah chuan ni chu puan in a zârsak a.

⁵Ni chu, moneitu a pindan ata hlim taka a chhuak ang leh, Mi chak phûr taka a tlân ang hi a ni.

⁶Kâwlkil chhak lamah a lo chhuak a, Kâwlkil thlang lam panin a kal kual a, A lum hre lova thuhrûk eng mah a awm lo.

⁷ LALPA Dân chu a famkim a, nun a tiharh ṭhîn, LALPA thu hriattîr chu a rinawm a, mi mâwl a tifing ṭhîn.

⁸ LALPA thuruatte chu a dik vek a, thinlung a tilâwm ṭhîn. LALPA thupêkte chu a thianghlim a, mit a tivâr ṭhîn.

⁹ LALPA ṭih chu a ṭha a, a daih kumkhua ṭhîn. LALPA thurêl chu a dik a, a fel vêl vek a ni.

¹⁰Rangkachak aiin a duhawm a, Rangkachak thianghlim ber ai pawhin. Khawizu aiin a thlum zâwk a, A thlâra luang khawizu aiin.

¹¹A ni, chûng chuan i chhiahhlawh hi min zirtîr ṭhîn, A zâwmtu tân lâwmman a tam êm êm.

¹²Mahni dik lohna tu nge hre thei? Sual inthup lakah te min tifihlîm ang che.

¹³I chhiahhlawh hi chapona lakah min vêng la, Ka chungah hian thu neihtîr suh, Tichuan, ka lo famkim ang a, Bawhchhiatna sual lakah ka fihlîm ang.

¹⁴Aw LALPA, ka lungpui leh mi tlantu, Ka thu sawite leh ka ngaihtuahte hi I tân pawm tlâk lo ni rawh se.