Read Mizo Lushai Sam 2 Bible Online

Sam 2 - Mizo Lushai bible

Sam 2

¹Engati nge hnamte chu an pun khâwm chiama, Miten thil sâwt lo chu a rûka an ngaihtuah ṭhin?

² LALPA leh a hriakthiha dovin Lei lalte chu an inhâwrkhâwma, Thuneitute pawh an inrâwn khâwm a?

³“Min phuarna hrui hi i tichat ang u khai, An hruihrual kan bah hi i paih daih ang u,” tiin.

⁴Vâna ṭhu-a chuan a nuihsan a, LALPA chuan anni chu a nuihzatbûr a.

⁵Chutichuan, thinurin an hnênah thu a sawi a, A thinrimna chuan a tihlau va.

⁶“Keimah ngeiin ka tlâng thianghlim Zion-ah chuan, Ka lal thlan chu ka ṭhuttîr ta a ni,” a ti a.

⁷ LALPA thupêk chu ka puang teh ang, “Ka Fapa i ni e, Vawiinah hian Fa-ah ka nei ta che.

⁸I duh apiang dîl la, ka pe ang che, Hnamte pawh hi i rochan an ni ang a, Lei pum pui hi i ta tûr a ni bawk ang.

⁹Lei lalte chu thîrtiangin i vaw darh ang a, Hlumbêl angin i sawh keh sawm bawk ang,” a ti a.

¹⁰Lei lalte u, fîmkhur rawh u, Rorêltute u, zilhna pawisa rawh u.

¹¹Ṭih chungin LALPA rawng bâwl ula, Khûr chungin a hmaah kûn rawh u.

¹²Fapa hi lâwm ula, chutilo chuan a thinur ang a, A tiboral hlauh dah ang che u, Amaha himna zawngte chu an nihlawh e.