Read Mizo Lushai Sam 20 Bible Online

Sam 20 - Mizo Lushai bible

Sam 20

¹Mangan ni-ah LALPAN chhângin, Jakoba Pathian chuan hum che rawh se.

²Hmun Thianghlim aṭanga ṭanpui chein, Zion aṭang chuan pui che rawh se.

³I thil hlan apiangte lo pawmin, I hâlral inthawina lo lâwm rawh se.

⁴I duh apiang pe che sela, I thil ruahmante chu tipuitling ṭhîn rawh se.

⁵Hnehtu i nih hunah lâwmin kan au vang a, Kan Pathian hmingin hnehna puanzâr kan zâr ang. LALPAN i dîl apiang tihlawhtling ngei rawh se.

⁶ LALPAN a hriakthiha a chhanhim ṭhîn tih ka hre ta. A hmun thianghlim vân aṭang chuan a rawn chhâng ta, A ding lam chuan ropui takin a hnehtîr ta.

⁷Ṭhenkhatin an tawlailîr an ring a, Mi dangin an sakawrte an ring bawk a, Keini zawngin LALPA kan Pathian hming kan lam zâwk ang.

⁸Chûng mite chu tluin an thal dêr ang a, Keini chu kan tho vang a, kan ding nghet leh ang.

⁹ LALPA, lal hi han chhandam teh, Kan koh che chuan min chhâng ang che.