Read Mizo Lushai Sam 24 Bible Online

Sam 24 - Mizo Lushai bible

Sam 24

¹Leilung leh a chhûnga thil awmte hi LALPA ta a ni a, Khawvêl leh a chhûnga chêngte nên hian.

²Tuifinriat chungah a nghat a, Tuipui chungah te a hûng ta a.

³ LALPA tlângah tu nge chho vanga, A hmun thianghlimah tu nge ding ang?

⁴Kut fai leh thinlung thianghlim pu mi, Milem be ngai lo leh, Dâwta chhechham ngai lo mi chu!

⁵ LALPA hnên aṭangin malsâwmnate an dawng ṭeuh ang a, Anmahni humhimtu Pathian ngei chuan Thiam a chantîr bawk ang.

⁶ LALPA pantute chu chutiang mi chu an ni, Aw, Jakoba Pathian, nangmah zawngtute chu.

⁷Aw, kulh kawngkhârte u, in hawng zau ula, Lal ropui chu a lo lût dâwn a ni.

⁸Tu nge Lal ropui chu? LALPA, mi chak leh thiltithei, Indonaa huaisena hi.

⁹Aw, kulh kawngkhârte u, inhawng rawh u, Nangni kawngkhâr hlunte u, inhawng zau rawh u, Tichuan, Lal ropui chu a lo lût dâwn nia.

¹⁰Tu nge Lal ropui chu? LALPA, Engkim LALPA hi, Amah ngei hi Lal ropui chu a ni.