Read Mizo Lushai Sam 25 Bible Online

Sam 25 - Mizo Lushai bible

Sam 25

¹Aw LALPA, i lam ka lo hawi a,

²Aw ka Pathian, ka ring che a, ka mualpho hi phal suh, Ka hmêlmaten min uankhum hek suh se.

³A ni, nangmah nghâktute chu tu mah an mualpho lo vang a, Bum hmangte erawh chu an mualpho vang.

⁴Aw LALPA, i kawngte chu min hriattîr la, I duhzâwng chu min zirtîr rawh.

⁵Rinawm taka ka awm theih nân min zirtîr la, Nang chu min chhandamtu Pathian i ni si a, Nilêngin ka nghâk ṭhîn che a ni.

⁶Aw LALPA, hmasâng aṭang tawha i lainatna leh ngilneihna kha, hre reng ang che.

⁷Ka tleirâwl lai sual leh bawhchhiatnate kha, hre reng suh la, Aw LALPA, i ṭhatna leh i ngilneihna avângin Min hre reng zâwk ang che.

⁸ LALPA chu a ṭhain a dik a, Mi sualte pawh kawng dik a zirtîr ṭhîn.

⁹Retheite chu dik takin ro a rêlsak a, Mi tlâwmte chu a kawng a zirtîr ṭhîn.

¹⁰A thuthlung leh a thu hriattîr zâwmtute tân chuan LALPA kawngte chu a rinawm a, ngilneihnain a khat.

¹¹Aw LALPA, ka thiam lohna a nasa êm a, I hming avângin mi ngaidam rawh.

¹² LALPA ṭihtute chu An kawng zawh tûr thlan dân a zirtîr ang.

¹³Thil ṭha tinrêng an nei ang a, An thlahte chuan ram hi an rochung ang.

¹⁴Amah ṭihtute chu LALPA ṭhian an ni a, A thuthlung pawh a hrilh chiang ṭhîn.

¹⁵ LALPA lam chu ka thlîr reng a, lêna ka ke âwk chu mi phelhsak ang.

¹⁶Ka lam hi lo hawi la, min khawngaih ang che, Khawharin ka chau a ni.

¹⁷Ka thinlung hah tak hi min chhâwk la, Ka buaina zawng zawng ata hi min chhan chhuak ang che.

¹⁸Ka retheih leh ka manganzia hi en la, Ka sual zawng zawng hi la bo vang che.

¹⁹Ngai teh, ka hmêlmate an va tam ta êm! Huat tak têin mi hua a ni.

²⁰Min humhim la, min chhan chhuak rawh, Ka rawn bêl che a, ka mualpho hi phal suh ang che.

²¹Ṭhatna leh dikna chuan min hum rawh se, Ka nghâk reng si che a.

²²Aw Pathian, Israel-te hi an manganna zawng zawng ata, chhan chhuak ang che.