Read Mizo Lushai Sam 26 Bible Online

Sam 26 - Mizo Lushai bible

Sam 26

¹Aw LALPA, ka dikzia hi tilang chiang teh, LALPA ka ring tlat a, ka nghîng lo vang.

²Mi en ngunin mi chhui chhuak la, Ka thinlung leh ka rilru hi fiah ang che.

³I ngilneihna chu min hruaitu a ni si a, I rinawmnain min kaihruai ṭhîn.

⁴Thil lawilo betute ka ṭhutpui ngai lo va, Mi vervêkte ka kâwm ngai bawk hek lo.

⁵Thil sual titu pung khâwmte chu ka huatzâwng tak an ni a, Mi sualte lah ka kâwm ngai bawk hek lo.

⁶Pawi ka khawih lo va, LALPA maichâm ka bêl fo ṭhîn.

⁷Lâwmthu sawina hla ka sa a, I thil mak tihte chu ka hril bawk ṭhîn.

⁸Aw LALPA, i chênna in chu ka ngaina a, I ropuina awmna hmun chu.

⁹Mi sual zîngah min tiboral suh la, Tualthat zîngah min telh hek suh.

¹⁰An vei lamin thil sual an ti a, An ding lamin thamna an la vak vak ṭhîn.

¹¹Kei zawngin thil dik ka ti ṭhîn a, Min khawngaih la, min chhandam rawh.

¹²Hmun zâwla dingin Pung khâwm zîngah, LALPA, ka fak ang che.