Read Mizo Lushai Sam 28 Bible Online

Sam 28 - Mizo Lushai bible

Sam 28

¹Aw LALPA, ka lungpui, ka au va che, Min ngawihsan suh. I ngawih reng chuan Leilâwta tlate ang ka ni mai ang.

²Khawngaih dîla ka au hi ngaithla la, I hmun thianghlim lama pharin ka koh che hi.

³Mi sualte leh thil sual titute zîngah chuan Min la bo tel suh ang che. An ṭhiante chu remthu an sawipui a, Thil sual an ngaihtuah nghâl si ṭhîn.

⁴An thiltihte a sualzia ang zêlin hrem la, An kut thiltih phu tâwk zêlin thungrûl ang che.

⁵ LALPA thiltih leh a thilsiam chu An hriatthiam duh loh avângin Anniho chu a tichhe vek ang a, a tungding leh tawh lo vang.

⁶ LALPA hi zawng fak tlâk a ni, Khawngaih ka dîlna aw a lo ngaithla si ṭhîn a.

⁷ LALPA chu mi tichaktu ka phaw a ni, Amah ka rinchhan a, min ṭanpui ṭhîn; Ka lâwm êm êm a, amah fakin ka zai bawk ang.

⁸A mite tân LALPA chu kulhpui a ni, A hriakthiha tân pawh chhandamna kulhbîng sâng a ni.

⁹I mite chhandam la, I rochante hi mal sâwm la, Vêngin, enkawl kumkhua ang che.