Read Mizo Lushai Sam 29 Bible Online

Sam 29 - Mizo Lushai bible

Sam 29

¹Pathian fate u, LALPA chu fak ula, LALPA ropuina leh a chakna chu fak rawh u.

² LALPA hming ropui tak chu fak ula, Thianghlimna silhfên inbelin LALPA hmaah lo kûn rawh u.

³Tui chungahte chuan LALPAN aw a chhuah a, Pathian ropui chuan khawpui a tiri a, Tuifinriat chungahte chuan a ri dur dur a.

⁴ LALPA aw chu thiltithei tak a ni, LALPA aw chu a ropui ngei mai.

⁵ LALPA aw chuan sidar thingte a titliak a, A ni, LALPAN Lebanon sidar thingte chu a titliak rem rum mai.

⁶Lebanon chu bâwng notê ang maiin a zuantîr a, Sirion tlâng chu ramsial notê angin.

⁷ LALPA aw chuan kâwl a tiphe zawr zawr a,

⁸ LALPA aw chuan thlalêr a tinghîng a, LALPAN Kades thlalêrte chu a tinghing a.

⁹ LALPA aw chuan zukpuite no a chhiattîr a, Ngawa thinghnahte a tiṭîl vek ṭhîn a, A tempul-ah chuan, “A va ropui em!” an ti.

¹⁰ LALPA chu Tuilêt chungah a ṭhu a, A ni, LALPA chuan kumkhuain ro a rêl ang.

¹¹ LALPAN a mite chu a tichak ang a, LALPAN a mite chu muanna a pe bawk ang.