Read Mizo Lushai Sam 3 Bible Online

Sam 3 - Mizo Lushai bible

Sam 3

¹Aw LALPA, ka hmêlmate an pung chakin, Min eptute chu an va tam ta êm!

²“Pathianin a chhan hauh lo vang,” Min titu an va tam êm!

³ LALPA, nang chu kumkhuain ka phaw i ni a, Ka lu hi i chawisâng ṭhîn a, Min tiropuitu chu i ni.

⁴Awrâwl chhuaha LALPA ka han auh chuan, A tlâng thianghlim aṭangin min lo chhâng ṭhîn.

⁵Ka han mu a, ka muhîl a, Ka han harh leh a, LALPA chuan min lo chelh reng ṭhîn a ni.

⁶Min hmusittute tam hle mah se, Ka hlau hlek lo vang.

⁷Aw LALPA, tho la, aw ka Pathian, mi chhanhim teh, Ka hmêlmate biang hi bensak langin, Mi suaksualte hâ chu tihbalsak ngei ang che.

⁸Aw LALPA, i mite hi chhandamin malsâwm ang che.