Read Mizo Lushai Sam 30 Bible Online

Sam 30 - Mizo Lushai bible

Sam 30

¹ LALPA, min chhan chhuah avângin ka fak ang che, Ka chungah hian hmêlma an hlim i phal si lo.

²Aw LALPA, ka Pathian, Ka au che a, min lo tidam ta a.

³ LALPA, Seol ata min la chhuak a, Thlâna chhuk tûr min tihdam leh tâk hi.

⁴A mi thianghlimte u, LALPA chu fakin zai ula, A hming thianghlim chu fak rawh u.

⁵A thinur chu a dai thuai a, A duhsakna chuan dam chhûng a daih. Zânah mittui nên mu mah ila, Zîngah lâwmna a lo thleng ṭhîn.

⁶Kei chuan ngaihṭha taka awmin, Ka nghîng ngai lo vang, ka ti ṭhîn a.

⁷ LALPA, ka chunga i ṭhatna avângin tlâng angin mi tinghet a, Mahse, i hmêl i han thup chuan Ka mangan leh mai ṭhin kha.

⁸ LALPA, ka au va che, LALPA hnênah khawngaih ka dîl a ni.

⁹Thi ta ila, leilâwtah tla ila, I tân eng nge hlâwk ang? Mitthite chuan an fak thei che em ni? I ṭhatzia pawh an puang ang maw?

¹⁰ LALPA, lo ngaithla la, min khawngaihin LALPA, min ṭanpui ang che.

¹¹Ka ṭah hi lâwmah chantîr la, Hlimna min sintîr zâwk ang che.

¹²Tichuan, ngawi mai lovin Nangmah fakin ka zai ang a, LALPA ka Pathian i ni a, Ka fak kumkhua ang che.