Read Mizo Lushai Sam 32 Bible Online

Sam 32 - Mizo Lushai bible

Sam 32

¹An bawhchhiatna ngaihdama awma, An sualna thai bosakte chu an nihlawh e.

² LALPAN khawlohna nei lova a ngaih, Bum tumna reng nei lo mi chu an nihlawh e.

³Ka ngawih tlat lai khân, Nilênga ka rûmna lamah, Ka chau zo ta a ni.

⁴A chhûn a zânin i kut ka tuar ṭhîn a, Ṭhâl rum lai ram ro angin ka ro zo ta.

⁵Ka sualna chu i hmaah ka rawn puang a, Ka khawlohna ka zêp hek lo. “LALPA hnênah ka bawhchhiatna thupha ka chawi teh ang,” ka ti a. Tichuan, ka sualna zawng zawng chu i lo ngaidam ta a.

⁶Hei vâng tak hian, hmuh awla i awm lai hian Pathian ngaihsak mite chu, Tuite lo lian bulh bulh mah se, a chîm pha hauh lo vang.

⁷Ka tân bihrûkna i ni a, Hmêlma lakah min hum ang che. Min vên him avângin ka fak ang che.

⁸“Ka zirtîr dâwn che a, I kalna tûr ka kawhhmuh bawk ang che. Ka en reng che a, Ka kaihruai zêl ang che.

⁹Eng mah hre lo sabengtung leh sakawr ang hian awm suh u; Anni chu i thununa, i duhna lama duh duha i kaih theih nân lakam barh an ngai asin,” LALPAN a ti.

¹⁰Mi sualte tuarna chu a va tam êm! Amah ringtute erawh chu LALPAN a khawngaihnain a enkawl ṭhîn.

¹¹Mi dikte u, LALPA-ah chuan hlimin lâwm fo ula, Rilru ngîl tak pu zawng zawngte u, Hlimin au rawh u.