Read Mizo Lushai Sam 36 Bible Online

Sam 36 - Mizo Lushai bible

Sam 36

¹Mi sual thinlung chhûngah sualin thu a sawi. a, Pathian ṭih ṭûlna rêng a hmu lo.

²A ngaih dân chuan, A sualna chu Pathianin a hmuh a ring lo va, A huat a ring hek lo.

³Mi bumna thu sual a chhâk chhuak reng a, Thil ṭha leh fing a ti lo.

⁴A khumlaizâwlah chuan thil sual a suangtuah ṭhîn, Kawng sualah chuan a kal lui a, Thil ṭha lo tih a hnial ngai lo.

⁵ LALPA, i ngilneihna chuan vân a tawng a, I rinawmna pawhin vân dum a thleng.

⁶I dikna chu tlâng lian tak ang a ni a, I rorêl dikzia pawh tuithûkpui ang a ni. Aw LALPA, mihring leh ramsate i humhim ṭhîn.

⁷Aw Pathian, i ngilneihna chu a va hlu êm! Mihringte hian i thla hnuai hlim an pan ṭhîn a.

⁸I inah chuan thil ṭha eiin an tlai puar a, I lâwmna lui tui chu i intîr ṭhîn.

⁹Nang chu nunna tuikhur i ni a, I êngah chuan êng kan hmu ang.

¹⁰Nangmah hretute chungah chuan i ngilneihna thla chu zâr la, I dikzia pawh mi ngîlte chungah chuan lantîr zêl rawh.

¹¹Chapote ke chuan min chîl lo sela, Mi sualte kut chuan min vai lêng bawk suh se.

¹²Saw! Mi sualte an tlu e, An thal dêr mai, an tho thei lo.