Read Mizo Lushai Sam 4 Bible Online

Sam 4 - Mizo Lushai bible

Sam 4

¹Aw ka felna Pathian, Ka koh che chuan mi chhâng ang che. Mangan hunin mi tithawveng la, Mi khawngaih la, ka dîlna hi lo ngaithla ang che.

²Aw mihringte u, eng chen nge, Thil lawilo leh dâwt ngainaa, ka ropuina hi in hmuhsit dâwn?

³Pathian ngaihsak mi chu LALPAN a tân a thlang tih hria ula, LALPA chuan ka au aw hi a lo hria a.

⁴Thinrim mah ula, thil sual chu ti suh u, In khumlaizâwlah inngaihtuahin ngawi ṭhiap rawh u.

⁵Inthawina dik tak chu hlânin LALPA chu ring rawh u.

⁶Mi tam takin, “Tu nge thil ṭha min pe ta ang le? LALPA, i hmêl êng chu kan chungah rawn êntîr ta che,” an ti a.

⁷An buh leh bâl a hlâwk laia an hlim aia Nasa zâwkin min tilâwm a.

⁸Thlamuang taka muin ka muhîl ang a, Nangmah ngei hi i ni, LALPA, him taka min awmtîr ṭhîntu chu.